Mon,11 July 2022 (Time 12:09 AM)
ដោយ ៖ (ចំនួនអ្នកអាន: 12046នាក់)

-ដំណឹងពិស្តារ
- ចេញផ្សាយៈនៅ ០៩ កក្កដា ២០២២

ល្បែងទឹកភ្លៀងល្មើសច្បាប់ដែលមានទីតាំង១-នៅចំណុចខាងជើងស្តុបអូរឬស្សី សង្កាត់អូរឫស្សីទី២ ខណ្ឌ៧មករា,ទី២-នៅចំណុចលើស្តាតអូឡាំពិក,និងទី៣-នៅចំណុចតំបន់អភិវឌ្ឈន៍បឹងកក់។នរណាក៏បានឃើញយ៉ាងច្បាស់ក្រឡែតដែរ នូវសកម្មភាពបើកលេងយ៉ាងគគ្លើននោះ។ម៉្ងៃៗមានការទិញលក់តាមទូរសព្ទ័ដៃនៅតាមតុកាហ្វេ នៅលើស្តាតអូឡាំពិកនិងនៅលើដំបូលhotelឬខុនដូ ពាសពេញទីក្រុងភ្នំពេញ ។ក្នុងសភាពដែលល្បែងសុីសងហុតឈាមបែបនេះអាចបើកលេងដោយរលូនគ្មានភិតភ័យ ត្រូវគេមើលឃើញថា«គោលនយោបាយ ភូមិ សង្កាត់ មានសុវត្ថិភាពដែលដាក់ចេញដោយក្រសួងមហាផ្ទៃនោះហាក់ត្រូវគេលែងខ្វល់ ហើយជាន់ឈ្លីដោយគ្មានកោតញញើតបន្តិច។
ក្នុងសប្តាហ៍កន្លងទៅនេះ គេហទំព័រ ខ្លះនិងtvonline មួយចំនួនត្រូវបានមន្ត្រីក្រុងភ្នំពេញមួយក្តាប់តូច សំណូមពរអោយទម្លាក់ចោលអត្ថបទដែលពួកគេចុះផ្សាយក្នុងហេតុផលថាអាចធ្វើអោយអាប់អោនកិត្តិយសដ៏ខ្ពង់ខ្ពស់កប់ពពករបស់ថ្នាក់ដឹកនាំខ្លួន ហើយអង្គភាពព័ត៌មានខ្លះទៀតត្រូវទទួលយកដោយ
ស្ម័គ្រចិត្តនូវការចុះផ្សាយបំភ្លឺឡើងវិញនិងសុំទោសជាសាធារណៈដែលបានធ្វើអោយប៉ះពាល់កិត្តិយសរបស់លោកចៅហ្វាយនាយពួកគេជាអ្នកមានអំណាចក្នុងទីក្រុង។ចណៈ ល្បែងទឹកភ្លៀងល្មើសច្បាប់បើកលេងបានដោយសេរីគ្មានការបង្ក្រាបដដែល។វិធានការលើអ្នកកាសែតនោះ បានធ្វើអោយមេបនល្បែងទឹកភ្លៀងល្មើសច្បាប់ដែលជាជនសង្គមងងឹតរកសុីរបរទុច្ចរឹត កំពុងបើកលេងយ៉ាងសប្បាយចិត្តដូចមាន់ជិះរទេះក្រោមបញ្ជាពីមេល្បែងឈ្មោះសួរហៅ(ភ្នំមាស)ពីសហរដ្ឋអាមេរិកនិងឈ្មោះធី(menu)លេងកាន់តែបានចិត្ត។
ឆ្នាំនេះមេទឹកភ្លៀងបានបើកលេងតាំងពីថ្ងៃទី១៥មីនា២០២២ប្រើ«ច្បាប់ក្រោមតុឬច្បាប់ខ្យល់»។គេលេងជាមួយនឹងម៉ាសុីន បើអត់ញាត់លុយក្នុងម៉ាសុីនទោះជាស្តេចក៏ម៉ាសុីនវាមិនអោយលេងដែរ។
ប្រភពនិយាយថាឆ្នាំនេះមានអ្នកដាក់
លុយចូលម៉ាសុីនលេងទឹកភ្លៀងច្រើនក្រាស់ ក្រែលរហូតជាង៣០លានដុល្លារអាមេរិក។មានពីចិននៅស្រុកចិន,ពីយួននៅស្រុកយួននិងអ្នកទេសចរល្បែងចិនយួននិងខ្មែរពីតាមខេត្តនាៗព្រមទាំងមានជាពិសេសគឺសំបូរឧកញ៉ា និងមន្ត្រីពាក់ផ្កាយគ្រាក់ៗទិញទឹកភ្លៀងម្តងក្នុងទឹកប្រាក់រាប់លនដុល្លារ ហើយក៏មាន អ្នកល្ហាមនៅភ្នំពេញខ្លះដែរ ចំណែកអ្នកបាត់ដំបងវិញម្នាក់បើគ្មានលុយតាមខ្លួនកក់ម៉ាសុីន ៣០០០០$ និងលុយសាគួរ៣០០០០$ ថែមទៀតទេមិនអាចមកលេងនៅភ្នំបេញបានឡើយ។មានមនុស្សតិចបំផុតដែល បានដាក់លុយកក់ចូលម៉ាសុីនសម្រាប់លេង កក់៥០០០$។ភាគច្រើនកក់ចាប់ពី១០០០០$ឡើង។ខ្លះកក់ចូលម៉ាសុីនដើម្បីរកចំណេញបានដែរដើម្បីមានសិទ្ធិរកសុីទិញលក់បនហាងឆេងយកចំណេញក្បាលកាក់ពីលើហាងឆេងសេវាម៉ាសុីនផងដែរ។
ប្រភពពីអ្នកលេងធំៗផ្ទាល់ថា៖ម្នាក់ៗទិញលក់ៗយ៉ាងតិចពី១០ទៅ២០លើកក្នុងមួយថ្ងៃសម្រាប់លេង១២ម៉ោង (យប់ក៏លេងដែរ)។ទាំងអ្នកលេងតូចក្តី លេងធំក្តី មួយថ្ងៃៗអាចមានមនុស្សដល់រាប់ពាន់នាក់ ធ្វើការទិញនិងលក់ចេញ។សម្រាប់មនុស្សម្នាក់ៗបើទិញ១០ដងអាចលក់វិញយ៉ាងហោចក៏១០លើកដែរ។ឯម៉ាសុីនចាំកាត់យកសេវារហូត គឹតតាមឯកតាជាកៅស៊ូExampleទិញក្នុងមួយកៅស៊ូម៉ាសុីនកាត់១២$ លក់វិញ១កៅស៊ូកាត់យក១២$ដែរ។មនុស្សលេងចំនួនដល់រាប់ពាន់នាក់មួយថ្ងៃៗ ម្នាក់ៗអាចទិញយ៉ាងហោចម្នាក់ក៏១០លើកដែរ។អញ្ចឹងសរុបទិញលក់កើនដល់រាប់មុឺនដងឯណោះ។តើមានការទិញលក់នោះមានប៉ុន្មានពាន់កៅស៊ូដល់ប៉ុន្មានពាន់ដុំក្នុងមួយថ្ងៃៗ?មនុស្សភាគតិចបំផុតដែលហាមាត់ឡើងទិញមួយកៅស៊ូ ។ ប៉ុន្តែភាគច្រើនទិញដល់១ដុំ=១០ កៅស៊ូឬទិញដល់ទៅ១០០ដុំ=១០០០ កៅស៊ូហើយទិញលក់ៗញាប់ដូចឆ្កែអេះក្នុងមួយថ្ងៃ។បើ១កៅស៊ូត្រូវតែទិញហើយលក់វិញបង់សេវា២៤$តើ ចុះបើទិញលក់រាប់ពាន់ដុំឬដល់រាប់មុឺនកៅស៊ូមួថ្ងៃ តើលោកសួរសុីក្បាលកាក់ឬសេវាប៉ុន្មានមុឺនដុល្លារក្នុងមួយថ្ងៃតាមម៉ាសុីនកាត់អោយ??។ក្រុមអាសួរ ដោយស្វ័យប្រវត្តិ បើទិញនិងលក់ក្នុងមួយកៅស៊ូ=១០០០$ម៉ាសុីនកាត់២៤$។បើទិញលក់១ដុំ=១០០០០$ម៉ាសុីនកាត់អោយ២៤០$ ឬអ្នកខ្លះទិញលក់ដល់១០០ដុំ=១លានដុល្លារម៉ាសុីនកាតលុយ២៤០០$មានខ្លះហ៊ានទិញលក់ដល់៣០០ដុំឯណោះចូរគណនាទៅ
២៤០០x៣($)=៧២០០$ចុះបើម្នាក់នោះដដែលទិញ២ដងមួយថ្ងៃគឺត្រូវលក់២ដងដែរ ដូច្នេះAសួរ(ភ្នំមាស)និងAធី(menu)អាចសុីបាន១៤៤០០$បាត់ទៅហើយ។ដល់ចប់រដូវទឹកភ្លៀង៦ខែ អាសរវេចលុយ$ទៅអាមេរិកបាត់ឈឹង អ្នកដែលរងទុក្ខគឺលោកឧកញ៉ា និងលោកពាក់ផ្កាយយើង និងពលរដ្ឋខ្មែរដែលងប់ងុលល្បែងនេះ។តើនឹងមានអ្វីកើតឡើងចំពោះសង្គមជាតិដែលសម្តេចតេជោហ៊ុន សែន កំពុងខិតខំដឹកនាំនេះទៅបើសិនជាលោកឧកញ៉ាៗនិងលោកផ្កាយៗគាត់ចាញ់បោសគូថខោម៉្ងៃៗវាល់លានដុល្លារ?តើពួកគាត់នឹងរកលុយមកលេងទៀតតាមវិធីណា?តើពលរដ្ឋសង្ឃឹមលើអ្វីបើមាន ពាលពាក់ប្រឡៅមន្ត្រី អត់ខ្វល់រឿងសុវត្ថិភាពនិងជីវភាពសង្គមរាស្ត្រតូចតាច ដែលរងកម្មផលអំពីឥទ្ធិពលល្បែងពាលានោះ?៕