អគ្គិភ័យលេបត្របាក់ផ្ទះ០១ខ្នងអស់ទាំងស្រុង នៅស្រុកគាស់ក្រឡ សំណាងល្អមិនមានអ្នកគ្រោះថ្នាក់ និងរាលដាលដល់ផ្ទះអ្នកដទៃ
ខេត្តបាត់ដំបង៖ផ្ទះ០១ខ្នងត្រូវបានអគ្គិភ័យលេបត្របាក់បង្កការភ្ញាក់ផ្អើលដល់អ្នកស្រុកចេញជួយអន្តរាគមន៍ពន្លត់ តែសំណាងមិនល្អត្រូវបានឆេះអស់ទាំងតែម្តង។
សមត្ថកិច្ចបានអោយដឹងថា ហេតុការណ៍គ្រោះអគ្គិភ័យខាងលើនេះបានកើតឡើងនៅវេលាម៉ោង ១២និង៣០នាទីនៅថ្ងៃទី២៧ ខែឧសភា ឆ្នាំ២០២១ នៅចំណុចអារុណរស្មី ស្ថិតក្នុងភូមិគោករកា ឃុំដូនបា ស្រុកគាស់ក្រឡ ខេត្តបាត់ដំបង។
ករណីអគ្គិភ័យកើតឡើងនេះដែរបណ្តាលឱ្យឆេះផ្ទះ០១ ខ្នងទំហំ ៨ម៉ែត្រx ១៣ម៉ែត្រ ធ្វើពីឈើប្រក់ស័ង្កសី ជញ្ជាំងស័ង្កសី (ខូចខាតទាំងស្រុង)ដែលមានម្ចាស់ផ្ទះឈ្មោះ ជា សារិទ្ធ ភេទប្រុស អាយុ ៣៦ឆ្នាំ និងប្រពន្ធឈ្មោះ សម្បត្តិ សានី អាយុ៣៦ឆ្នាំ រស់នៅភូមិឃុំកើតហេតុខាងលើ ។
ការខូចខាតសរុបផ្ទះទំហំ ៨ម៉ែត្រx ១៣ម៉ែត្រ ធ្វើអំពីឈើប្រក់ស័ង្កសី ជញ្ជាំងស័ង្កសី ឆេះ(ខូចខាតទាំងស្រុង)រួមនិងសម្ភារក្នុងផ្ទះសរុបជាទឹកប្រាក់ចំនួន២០.០០០.០០០
រៀល (ម្ភៃលានរៀល) ។
សមត្ថកិច្ចបានបញ្ជាក់ថា ក្នុងហេតុការណ៍គ្រោះអគ្គិភ័យខាងលើនេះដែរ សមត្ថកិច្ចមិនបានចេញជួយអន្តរាគមន៍ពន្លត់នោះទេ ដោយសារទទួលបានព័ត៌មានយឺត និងទីតាំងមានចម្ងាយឆ្ងាយពីទីរួមស្រុករហូត ៣០គីឡូម៉ែត្រ ប៉ុន្តែទោះជាយ៉ាងណាមិនបណ្តាលអោយគ្រោះថ្នាក់ដល់មនុស្សឡើយ។
ក្រោយពេលកើតហេតុសមត្ថកិច្ចបានចុះទៅដល់សាកសួរកំណត់ហេតុ និងបានបញ្ជាក់ថា មូលហេតុដែលបណ្តាលអោយឆេះឡើងនេះ គឺបណ្តាលមកពីកូនក្មេងកេះដែកកេះលេងក្បែរដបសាំង ទើបបណ្តាលអោយឆេះឡើងតែម្តង៕
.jpg)
.jpg)