ឯកឧត្តមអគ្គបណ្ឌិតសភាចារ្យ អូន ពន្ធ័មុនីរ័ត្ន អញ្ជើញជាអធិបតីក្នុងកិច្ចប្រជុំ ដើម្បីធ្វើការពិនិត្យ វឌ្ឍនភាពការងារ នៃការរៀបចំបង្កើតថ្នាលទូរទស្សន៍ ឌីជីថល ជាតិ តាមប្រពន្ធ័ វីដេអូ
រាជធានីភ្នំពេញ៖នៅព្រឹកថ្ងៃទី២៥ ខែឧសភា ឆ្នាំ២០២១ ឯកឧត្តមអគ្គបណ្ឌិតសភាចារ្យ អូន ពន្ធ័មុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានគណ:កម្មាធិកាចំពោះ កិច្ចសម្រាប់ការរៀបចំបង្កើតថ្នាលទូរទស្សន៍ ឌីជីថល ជាតិ អញ្ជើញជាអធិបតីក្នុងកិច្ចប្រជុំ ដើម្បីធ្វើការពិនិត្យពីវឌ្ឍនភាពការងារ នៃការរៀបចំបង្កើតថ្នាលទូរទស្សន៍ ឌីជីថល ជាតិ និងផែនការរំដោះ ហ្វ្រេកង់ស៍ តាមប្រពន្ធ័ វីដេអូ ។
កិច្ចប្រជុំនេះ មានវត្តមានអញ្ជើញចូលរួមពី ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន ឯកឧត្តម ជា វ៉ាន់ដេត រដ្ឋមន្រ្តី ក្រសួងប្រៃសណីយ៍ និងទូរគមនាគមន៍ ដែលឯកឧត្តមទាំងពីររូប ជាអនុប្រធានគណ:កម្មាធិកាចំពោះកិច្ចសម្រាប់ការរៀបចំបង្កើតថ្នាលទូរទស្សន៍ ឌីជីថល ជាតិ។
នៅក្នុងឱកាសនោះ ឯកឧត្តមបណ្ឌិត អៀង ស៊ុនលី ប្រធានក្រុមការងារបច្ចេកទេស ក្នុងការរៀបចំបង្កើត ក្រុមហ៊ុនជាតិចម្រុះរវាងរដ្ឋ និងឯកជន សម្រាប់គ្រប់គ្រងថ្នាលទូរទស្សន៍ ឌីជីថល ជាតិ បានធ្វើបទបង្ហាញស្តីពី វឌ្ឍនភាពការងារ នៃការរៀបចំបង្កើតថ្នាល ទូរទស្សន៍ ឌីជីថល ជាតិ និងផែនការរំដោះ ហ្វ្រេកង់ស៍ ដោយលើកឡើងនូវចំណុចសំខាន់ៗនានាជាច្រើន ដែលក្រុមការងារសម្រេចអនុវត្តន៍ និងចងក្រងបានជាឯកសារ សម្រាប់ធ្វើការពិនិត្យ ឯកភាពគ្នា កែសម្រូលបានកាន់តែស៊ីជម្រៅបន្ថែមទៀត។
តាមការបញ្ជាក់របស់ ឯកឧត្តម កឹម គុណវឌ្ឍន៍ រដ្ឋលេខាធិការ ក្រសួងព័ត៌មាន បានអោយដឹងថា កិច្ចប្រជុំគណ:កម្មាធិការចំពោះកិច្ច អន្តរក្រសួងក្នុងការបង្កើតថ្នាល ទូរទស្សន៍ ឌីជីថល ជាតិ នាឱកាសនេះ បានធ្វើការពិនិត្យរបាយការណ៍កំណត់ហេតុ របស់ក្រុមការងារបច្ចេកទេសក្នុងការរៀបចំបង្កើត ក្រុមហ៊ុនជាតិចម្រុះរវាងរដ្ឋ និងឯកជន សម្រាប់ គ្រប់គ្រងថ្នាលទូរទស្សន៍ ឌីជីថល ជាតិ លើទស្សន: សំណើ និងសំណូមពរ ចំនួន៩ចំណុចជាសំខាន់។ឆ្លងតាមកិច្ចពិភាក្សា ក្នុងចំណុចទាំង ៩ ដែលបានលើកឡើងនាឱកាសនេះ ឯកឧត្តមអគ្គបណ្ឌិតសភាចារ្យ អូន ពន្ធ័មុន្នីរត្ន័ បានធ្វើការគួសបញ្ជាក់ នៅលើចំណុច នីមួយៗជាបន្តបន្ទាប់ ហើយបានដាក់ជាសំណើ ក្នុងការពិនិត្យពិភាក្សាគ្នា សម្រេចទទួលយកទាំងលើការងារបច្ចេកទេស ការងារជំនាញ ក៏ដូចជាការរៀបចំទូទៅ។ជាលទ្ធផល នៃវឌ្ឍនភាពការងារល្អ ដែលក្រុមការងារបច្ចេកទេសក្នុងការរៀបចំបង្កើតក្រុម ហ៊ុនជាតិចម្រុះរវាងរដ្ឋ និងឯកជន សម្រាប់គ្រប់គ្រងថ្នាលទូរទស្សន៏ ឌីជីថល ជាតិ និង លទ្ធផលនៃកិច្ចប្រជុំនាឱកាសនេះ ឯកឧត្តមអគ្គបណ្ឌិតសភាចារ្យ អូន ពន្ធ័មុន្នីរត្ន័ នឹងធ្វើជា របាយការណ៍ ដាក់ជូនទៅ ប្រមុខរាជរដ្ឋាភិបាល សម្តេចតេជោនាយករដ្ឋមន្រ្តី ហ៊ុន សែន ដើម្បីធ្វើការពិនិត្យសម្រេច និងស្នើសុំគោលការណ៍ណែនាំបន្ថែម ដើម្បីអោយក្រុមការងារ បន្តអនុវត្តន៏ការងារបានបញ្ចប់ ហើយសម្រេចអោយបានជោគជ័យ តាមផែនការដែលបាន គ្រោងទុក ក្នុងការបង្កើតថ្នាលទូរទស្សន៍ឌីជីថល ជាតិ ៕
