Sat,22 May 2021 (Time 12:19 PM)
ដោយ ៖ រស្មីជាយដែន (ចំនួនអ្នកអាន: 407នាក់)

ខេត្តបន្ទាយមានជ័យ៖ដោយមើលឃើ​ញពីទុក្ខលំបាក​របស់បងប្អូន​ប្រជាពលរដ្ឋ ដែលមានជីវ​ភាព​ខ្វះខាត និង​ជាទឹ​កចិត្តម​នុស្សធម៌ របស់អង្គការអ​នាគតភ្លឺស្វាងនៃកម្ពុជាអ.អ.ភ.​ស.ក នោះ នៅព្រឹក​ថ្ងៃទី​២២ ខែឧសភា ឆ្នាំ២០២១ បានផ្តល់អំណោយជាគ្រឿងឧបភោគ បរិភោគ ជូនប្រជាពលរដ្ឋ​ដែល​មានជីវភាពខ្វះខាតចំនួន៧១គ្រួសារ មកពីរ៤ភូមិ ក្នុងសង្កាត់ទឹកថ្លា និងសង្កាត់អូរអំបិល ក្រុងសិរី​សោភ័ណ ខេត្តបន្ទាយមានជ័យ តាមរយះ​លោក លី សារី អភិបាលរងខេត្តបន្ទាយមានជ័យ​និងក្រុ​មការងារ ដើម្បីចូលរួមចំណែកដោះស្រាយជីវភាពជូនបងប្អូននៅក្នុងកាលៈទេសៈ អំឡុង​កូវីដ១​៩នេះ។

អំណោយដែលត្រូវប្រគល់ជូនបងប្អូនប្រជាពលរដ្ឋ ដែលមា​នជីវភាពខ្វះខាតនោះ ក្នុងមួយ​គ្រួសារ​ៗទទួលបាន អង្ករ ២៥គីឡូក្រាម ,មី១កេស, ប្រេងឆា១លីត្រ, ទឹកស៊ីអ៊ីវ, ស្ករស ,ប៊ីចេង និងអំបិលផង​ដែរ។
ជា​មួយគ្នានោះដែរប្រជាពលរដ្ឋ​ បានសម្តែងការអគុណ ចំពោះអង្គការអ​នាគតភ្លឺស្វាងនៃកម្ពុ​ជាអ.អ​.ភ.​ស.ក និង​ថ្នាក់ដឹកនាំខេត្ត​ ដែល​បានគិ​តគូ និងយកចិត្តទុកដាក់ពីសុខទុកពីពួកគាត់ ក្នុងកាលៈ​ទេសៈដ៏លំបាក់ ដោយសារការរីករាលដាលនៃជំងឺកូវីដ១៩នេះ៕