Fri,21 May 2021 (Time 06:46 PM)
ដោយ ៖ រស្មីជាយដែន (ចំនួនអ្នកអាន: 410នាក់)

ខេត្តបន្ទាយមានជ័យ៖ក្រុមគ្រួសារកង​រាជអា​វុធហត្ថ ខេត្តបន្ទាយមានជ័យ និងសា​ច់ញាតិអាវុធហត្ថ មាន​ចំនួន១.៥០០​នាក់បានទៅចាក់វ៉ាក់សាំងការពារជម្ងឺកូវីដ-១៩ លើកទី១ ដូសទី១ នៅទីបញ្ជាកា​រតំបន់​ប្រតិបត្តិការសឹករងខេត្តបន្ទាយមានជ័យ នៅព្រឹក ថ្ងៃទី២១ ខែឧសភា ឆ្នាំ២០២១នេះ ។

ក្នុងឱ​កាសរៀបចំទីតាំងចាក់វ៉ាក់សាំ​ង ការពារជំងឺ កូវីត១៩ នៅទីបញ្ជាកា​រតំបន់​ប្រតិបត្តិកា​រសឹករង​ខេត្តនោះដែរលោកឧត្តមសេ​នីយ៍ត្រី បោន ប៊ិន មេបញ្ជាកា​រកងរាជអាវុធហ​ត្ថខេត្តបន្ទាយមាន​ជ័យ បានឲ្យដឹងថា ការចាក់វ៉ាក់សាំងកូវីដ​១៩ ប្រភេទ Sinovac ជូនដល់ក្រុមគ្រួសារ និងសាច់​ញាត្តិកងរា​ជអាវុធហត្ថ ចំនួន១.៥០០នាក់នា​ពេលនេះ ក្នុងគោលការណ៍ស្ម័គ្រចិត្តចាប់ពីមនុស្សអាយុ១៨ឆ្នាំ ឡើង​ទៅ ហើយថ្ងៃនេះ ជាថ្ងៃទី១ នៃការបើកការចាក់ វ៉ាក់សាំងការ​ពារជំងឺកូវីដ១៩ ប្រភេទ Sinovac ដែលបានប្រព្រឹត្តិទៅក្នុងក្របខ័ណ្ឌទូទាំងប្រទេស ក្រោមការគិតគូរនិងដឹកនាំដ៏ឈ្លាសវៃរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ដើម្បីសុខមាលភាពរបស់ប្រជាជន​កម្ពុជា។

ក្នុងនោះខេត្តបន្ទាយមានជ័យ ចំពោះកិច្ចចាក់វ៉ាក់សាំង បានរៀបចំចាក់ជូនដល់ ក្រុមគ្រួសារក​ងរាជអា​វុធហត្ថចំនួន១.៥០០នាក់នេះ ទៅតាមពេលវេលា និងទីកន្លែងដែលបានបែងចែកក្នុង ការ​ចាក់ វ៉ាក់សាំង ជូនគ្រួសារអាវុធហត្ថ ដោយផ្អែកលើគោលការស្ម័គ្រចិត្ត តែប៉ុណ្ណោះ។

ជាមួយគ្នានោះដែរលោកឧត្តមសេនីយ៍ត្រី បោន ប៊ិន បានធ្វើការផ្តាំផ្ញើរដល់ក្រុមគ្រួសារ និងសាច់​ញាតិអា​វុធហត្ថទាំងអស់ដែ​លបានមកចាក់ចាក់ វ៉ាក់សាំង ការពារកូវីដ.១៩ រួចហើយទាំ​ងអស់សូម​ចូលរួម​ធ្វើអនាម័យ​ឲ្យបានគ្រប់ៗគ្នា ត្រូវចូលរួម​អនុវត្តឲ្យបាន ៣ការពារ និង៣កុំ តាមអនុសាសន៍​របស់​ប្រមុខរាជរដ្ឋាភិបាល សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុង​៣ការពារ ៣កុំ គឺត្រូវឧស្សា​ហ៍លាងដៃនឹងសាប៊ូ អាកុល ឬជែល កុំទៅចូលក្នុងចំ​ណោមមនុស្ស​ច្រើនកកកុញ ត្រូវនូវគម្លាត២គ្នា មុននឹង​ចេញដំណើរ​ឬចេញពីផ្ទះ​ត្រូវពាក់ម៉ាស​អោយបានត្រឹម​ត្រូវជាប្រចាំ៕