មន្ទីរកសិកម្មរុក្ខាប្រមាញ់និងនេសាទ ខេត្តបន្ទាយមានជ័យ ផ្តល់សម្ភារៈនិងបច្ចេកទេស ដល់អង្គភាពកងពលតូចថ្មើរជើងលេខ៥១ សម្រាប់យកប្រើប្រាស់ផ្គត់ផ្គង់ក្នុងអង្គភាព
ខេត្តបន្ទាយមានជ័យ៖លោក ប៉ាង វណ្ណសេដ្ឋ ប្រធានមន្ទីរកសិកម្មរុក្ខាប្រមាញ់និងនេសាទ ខេត្តបន្ទាយមានជ័យ កាលពីថ្ងៃទី១១ ខែឧសភា ឆ្នាំ២០២១ បានដឹកនាំក្រុមការងារ អញ្ជើញចុះត្រួតពិនិត្យការងារបង្កបង្កើនផល និងចិញ្ចឹមសត្វ បានប្រគល់ជូនអង្គភាពនូវទូភ្ញាស់ពងមាន់ខ្នាត ១០៨០គ្រាប់ មេមាន់ពូជ ចំនួន២០ក្បាល និងសម្ភារមួយចំនួនទៀត ដល់អង្គភាពវរសេនាតូចថ្មើរជើងលេខ៥១ ស្ថិតនៅភូមិថ្មសិន សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ សម្រាបផ្គត់ផ្គង់និងធានាបាននូវការចិញ្ចឹមទ័ពបានល្អ ហូបឆ្ងាញ់គ្រប់គ្រាន់របស់អង្គភាព។
សូមបញ្ជាក់ថា មន្ទីរកសិកម្មរុក្ខាប្រមាញ់ និងនេសាទខេត្តបន្ទាយមានជ័យ ក្រោមកិច្ចសហការជាមួយអង្គភាព កងពលតូចថ្មើរជើងលេខ៥១ បានផ្តល់ឧបករណ៍ សម្ភារ និងបណ្តុះបណ្តាល ផ្នែកបច្ចេកទេស ដាំដុះ និងចិញ្ចឹមសត្វ ជាបន្តបន្ទាប់ធ្វើឲ្យអង្គភាពកងពល មានការរីកចម្រើនលើវិស័យកសិកម្ម ធានាបាននូវការចិញ្ចឹមទ័ពបានល្អ ហូបឆ្ងាញ់គ្រប់គ្រាន់ និងមួយចំនួនលើសតម្រូវការ បានលក់ទៅផ្សារ សន្សំថវិកាកសាងអង្គភាព៕
