អាជ្ញាធរខេត្ត ក្រុងប៉ោយប៉ែត សម្រេចបើកឲ្យប្រជាពលរដ្ឋនៅក្រៅតំបន់ក្រហម ធ្វើដំណើរឆ្លងកាត់ពីក្រុងទៅខេត្ត និងពីខេត្តចូលក្រុង តែបន្តត្រួតពិនិត្យទៅលើជនបរទេស នៅចំណុចគោល ដៅរង្វង់មូលផ្លូវ៥៨
ខេត្តបន្ទាយមានជ័យ៖ដើម្បីជួយសម្រួលដល់ការធ្វើដំណើររបស់ប្រជាពលរដ្ឋ ដែលស្ថិតនៅខាងក្រៅតំបន់ក្រហមនោះ អាជ្ញាធរខេត្តបន្ទាយមានជ័យ និងក្រុងប៉ោយប៉ែត បានសម្រេចដកកងកម្លាំង ចម្រុះមួយចំនួន ដែលកំពុងឈរជើងបិតខ្ទប់រយះកាលកន្លងមកនៅលើកំណាត់ផ្លូវជាតិលេខ៥ ត្រង់ចំណុចរង្វង់មូលផ្លូវលេខ៥៨ ដោយទុកកម្លាំងមួយចំនួន សម្រាប់ធ្វើការត្រួតពិនិត្យទៅលើជនបរទេសតែប៉ុណ្ណោះ។ដោយឡែកតំបន់មួយចំនួននៅក្នុងភូមិសាស្ត្រសង្កាត់ប៉ោយប៉ែត ក៏បានបើកឲ្យប្រជាពលរដ្ឋធ្វើដំណើរចេញចូលជាធម្មតាវិញដែរ ចាប់ពីវេលាម៉ោងសូន្យ ថ្ងៃទី១០ ខែឧសភា ឆ្នាំ២០២១ តទៅ ក្រោយពីបិតខ្ទប់មួយរយះតាមវិធាការរបស់ក្រសួងសុខាភិបាល។ចំណែកតំបន់មួយចំនួននៅក្នុងភូមិសាស្ត្រខាងលើ ដែលមិនទាន់គ្រប់ចំនួនថ្ងៃកំណត់របស់ក្រសួងសុខាភិបាលនូវតែបន្តបិតខ្ទប់ដដែល។
បើតាមលោក ង៉ោ ម៉េងជ្រួញ អភិបាលរង ខេត្តបន្ទាយមានជ័យ បានឲ្យដឹងថា ក្រោយពីមានការពិភា ក្សាគ្នាជាមួយឯកឧត្តមអភិបាលខេត្ត និងរូបលោកផ្ទាល់ រួមជាមួយអាជ្ញាធរក្រុង ដើម្បីអនុវត្តតាមវិធា នការក៏ដូចជាតាមនិតិវិធីនៃច្បាប់របស់ក្រសួងសុខាភិបាល ម្យ៉ាងវិញទៀត ដោយសារយើងអាចគ្រប់ គ្រងនូវតំបន់ក្រហមបានផងនោះ ក៏បានសម្រេចដកកងកម្លាំងចម្រុះដែលកំពុងឈរជើងនៅចំណុច និងវេលាម៉ោង ថ្ងៃ ខែខាងលើ ដើម្បីឲ្យបងប្អូនប្រជាពលរដ្ឋដែលឋិតនៅខាងក្រៅតំបន់ក្រហមងាយ ស្រួល ក្នុងការធ្វើចរាចរណ៍ចេញ-ចូល ពីក្រុងទៅខេត្ត និងពីខេត្តចូលក្រុងផងដែរ។
លោកអភិបាលរង ខេត្តបញ្ជាក់ទៀតថា កាលពីថ្មីៗ នេះ មានអ្នកមួយចំនួនមិនយល់បានធ្វើការសសេ បង្ហោះ នៅលើបណ្តាញសង្គម Facebook ជុំវិញការដឹកជញ្ជូនជនបរទេសចេញពីតំបន់ហាមឃាត់មួយចំនួន ដោយប្រើរថយន្តរបស់ក្រុមហ៊ុនថា ជាអំពើខុសច្បាប់នោះ លោកបានធ្វើការបដិសេធភ្លា មៗ នូវការចោទប្រកាន់ទាំងនេះ ដោយសារជនបរទេសទាំងនោះ មានការសង្ស័យប៉ះពាល់ផ្ទាល់ជាមួយអ្នក វិជ្ជមាន ទើបអាជ្ញាធរ ពិសេសរូបលោកផ្ទាល់បានធ្វើការបិតខ្ទប់ ឲ្យបានទាន់ពេលវេលា ដើម្បីកុំឲ្យមានការឆ្លងរីករាលដាលទៅកាន់តំបន់ផ្សេងទៀត រួចបានរៀបចំនាំពួកគាត់ទៅពិនិត្យសំណាក។ដោយសារចំនួនមនុស្យច្រើន មិនអាចប្រើរថយន្តពេទ្យបាន ទើបលោកសុំការសហការដោយយករថយន្តរបស់ក្រុមហ៊ុន និងរបស់សប្បុរសជន ដែលធានាបានសុវត្ថិភាពនៃការចំលងនោះ ជួយដឹកបញ្ជូនពួកគាត់ទៅពិនិត្យសំណាក បើសិនពិនិត្យទៅអវិជ្ជមាន នឹងដឹកពួកគាត់មកកន្លែងដើមវិញ តែបើរកឃើញមានវិជ្ជមាន ត្រូវដឹកពួកគាត់ទៅមណ្ឌលព្យាបាល។ដូច្នេះស្នើ ឲ្យអ្នកទាំងនោះបញ្ឈប់ នូវការបង្ហោះនូវរឿងដែលមិនមានប្រភពច្បាស់លាស់បន្តទៀត នាំឲ្យមហាជនយល់ច្រលំពីព្រោះអាជ្ញាធរ ទាំងថ្នាក់ខេត្ត ក្រុង និងមូលដ្ឋាន ព្រមទាំងកងកម្លាំងប្រដាប់អាវុធទាំងអស់មានការ ខិតខំខ្លាំងណាស់សឹងរកពេលសំរាកឲ្យបានគ្រប់គ្រាន់ពុំបាន៕
