ឃាត់ខ្លួនបុរសជាកូនភ្លាមៗ ក្រោយយកដែកស្បែងវាយសម្លាប់ឪពុកបង្កើតខ្លួនឯង
ខេត្តបាត់ដំបង៖ករណីឃាតកម្មបុរសជាកូនម្នាក់បានប្រើអំពើហឹង្សា ដោយយកដែកស្បែងវាយសម្លាប់ឪពុកបង្កើតខ្លួនឯងដោយចោទថា ឪពុកមានគ្រូកាន់ ហើយប៉ុនប៉ងសម្លាប់រូបគេ។
សមត្ថកិច្ចបានឲ្យដឹងថា ហេតុការណ៍គួរឲ្យភ្ញាក់ផ្អើលខាងលើនេះបានកើតឡើងកាលពីវេលាម៉ោង ០៦និង៣០នាទីព្រឹកថ្ងៃទី០៧ ខែមេសា ឆ្នាំ២០២១ នៅចំណុចក្រុមទី០១ ផ្ទះលេខ២០ ស្ថិតក្នុងភូមិអូរដូនពៅ ឃុំឃ្លាំងមាស ស្រុកបវេល ខខេត្តបាត់ដំបង។
ជនរងគ្រោះមានឈ្មោះ ប៊ុត សារ៉េត ភេទប្រុស អាយុ៦១ឆ្នាំ រស់នៅភូមិ-ឃុំកើត ហេតុខាងលើ ត្រូវបានជនបង្កជាកូនបង្កើតឈ្មោះ ប៊ុត សំណាង ភេទប្រុស អាយុ២៧ឆ្នាំ បានធ្វើសកម្មភាពដោយយកដែកស្បែងវាយ បណ្តាលឱ្យស្លាប់ភ្លាមៗនៅចំណុចកើតហេតុតែម្តង។
ក្រោយពីកើតហេតុសមត្ថកិច្ចជំនាញបានចុះអនុវត្តធ្វើការឃាត់ខ្លួនជនសង័្សយខាងលើ មកកាន់អធិការដ្ឋាននគរបាល ដើម្បីធ្វើការសាកសួរ ហើយនៅទីបំផុតជនសង័្សយបានឆ្លើយតាមបែបរវើរវាយថា ការវាយសម្លាប់ឪពុករបស់ខ្លួន បែបនេះដោយសារតែឪពុកខ្លួនមានគ្រូកាន់ ហើយមានបំណងសម្លាប់រូបគេ ទើបគេវាយសម្លាប់ឪពុកនេះជាមុន។
ក្រោយពីសាកសួររួម និងចំលើយសារភាពផងនោះ ជនសង្ស័យពេលនេះត្រូវបានសមត្ថកិច្ចនគរបាលបានរៀបចំសំណុំរឿងបញ្ជូនមកកាន់ស្នងការដ្ឋាន ដើម្បីចាត់ការបន្តតាមផ្លូវច្បាប់៕
.jpg)
