អាជ្ញាធរក្រុងសិរីសោភ័ណ ប្រមានវិធានការទៅលើអាជីវករតាមផ្សារឆ្លៀតឱកាសតម្លើងថ្លៃ ក្នុងអំឡុងការរាតត្បាតនៃជំងឺកូវីដ១៩ និងអ្នកទិញអីវ៉ាន់មិនពាក់ម៉ាស បាញ់អាកុល
ខេត្តបន្ទាយមានជ័យ៖នៅព្រឹកថ្ងៃទី២៩ ខែមេសា ឆ្នាំ២០២១ រដ្ឋបាលក្រុងសិរីសោភ័ណ បានប្រមានចាត់វិធានការទៅលើអាជីវករ ដែលលក់ដូវនៅក្នុងផ្សារក្នុងភូមិសាស្ត្រក្រុងសិរីសោភ័ណ ទាំងឡាយណាដែលឆ្លៀតឱកាសលក់ទំនិញផ្សេងៗ ពិសេសគ្រឿងឧបភោគបរិភោគតម្លើងថ្លៃ ក្នុងឡុងការរាតត្បាតនៃជំងែកូវីដ១៩ ដែលអាជ្ញាធរខេត្ត ក្រុងកំពុងតែមមាញឹកក្នុងការទប់ស្កាត់នេះ បើមិនស្តាប់តាមការណែនាំទេនោះអាជ្ញាធរក្រុងនឹងបញ្ឈប់ការលក់ដូរជាបណ្តោអាសន្ន។ចំណែកអ្នកទិញអីវ៉ាន់វិញមិនពាក់ម៉ាស និងបាញ់អាកុលគឺមិនឲ្យចូលក្នុងផ្សារឡើយជាដាច់ខាត។
លោក ហ៊ឹល រ៉ាយ៉ា អភិបាលក្រុងសិរីសោភ័ណបានឲ្យដឹងថា អ្នកដែលចូលផ្សារទិញអីវ៉ាន់ ត្រូវបាញ់កំដៅ និងពាក់ម៉ាស បើគ្មានម៉ាសពាក់ទេ នឹងមិនអនុញ្ញាឲ្យចូលក្នុងផ្សារនោះឡើយ។ចំណែកអាជីវករលក់ដូរក្នុងផ្សារមិនពាក់ម៉ាស និងត្រូវព្រមានធ្វើកិច្ចសន្យាបើមិនអនុវត្តតាមអាជ្ញាធរ ក៏ដូចជាម្ចាស់ផ្សារនីមួយៗ នឹងមានវិធានការក្នុងការដកហូតតូប ឬស្តង់មិនអនុញ្ញាតឲ្យលក់ដូរទៅទៀតឡើយ។ជាងនេះទៅទៀតអាជីវករ ត្រូវអនុវត្តតាមសេចក្តីណែនាំរបស់រដ្ឋបាលខេត្តបន្ទាយមានជ័យ ស្ដីពីវិធានការ ទប់ស្កាត់ការឡើងថ្លៃទំនិញប្រើប្រាស់ គ្រឿងឧបភោគ បរិភោគគ្រប់ប្រភេទ និងឱសថ ក្នុងការអនុវត្តវិធានការទប់ស្កាត់ការឆ្លងរាលដាលនៃជម្ងឺកូវីដ-១៩នៅក្នុងភូមិសាស្ត្រខេត្តបន្ទាយមានជ័យ។បើសិនជាពិនិត្យឃើញថា មានការលួចតម្លើងថ្លៃទំនិញ ថ្លៃលើស ឬថ្លៃហួសហេតុ នឹងត្រូវចាត់វិធានការផាក ឬបញ្ឈប់ ឬដកអាជ្ញាបណ្ណបណ្តោះអាសន្ន ឬស្ថាពរ ព្រមទាំងចាត់វិធានការតាមច្បាប់ជាធរមានទៀតផង។
ជាមួយគ្នានោះដែរលោកអភិបាលក្រុង នូវតែបន្តអំពាវនាវ ដល់ពលរដ្ឋ ត្រូវចូលរួម សហការគ្នាជាមួយអាជ្ញាធរ ក្នុងការអនុវត្តតាមវិធានការរបស់ក្រសួងសុខាភិបាល ក៏ដូចជាប្រមុខរាជរដ្ឋាភិបាលកម្ពុជា គឺ«៣កុំ និង៣ការពារ ដើម្បីប្រយុទ្ធប្រឆាំង និងទប់ស្កាត់ការរីករាលដាលជំងឺកូវីដ-១៩ ឲ្យអស់ពីប្រទេសកម្ពុជាឲ្យបានឆាប់៕