បញ្ជូនខ្លួនជនសង្ស័យម្នាក់ ទៅតុលាការខេត្តបន្ទាយមានជ័យ ពាក់ព័ន្ធករណីរំលោភបានសម្រេច នៅក្នុងបន្ទប់ជួល ក្នុងក្រុងប៉ោយប៉ែត
ខេត្តបន្ទាយមានជ័យ៖ជនសង្ស័យម្នាក់ ដែលបានគំរាមសម្លាប់ ដើម្បីបំពេញចំណង់កាមទេពរបស់ខ្លួនចាប់រំលោភសេពសន្ថវៈទៅលើនារីម្នាក់រហូតបានសម្រេច ត្រូវកម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដោយមានការអនុញ្ញាតពីលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត ចុះចាប់ឃាត់ខ្លួន ក្រោយពីទទួលពាក្យបណ្ដឹងពីនារីរងគ្រោះឈ្មោះ អ.វ អាយុ៣២ឆ្នាំ។
ជនសង្ស័យបានធ្វើសកម្មភាពរំលោភសេពសន្ថវៈ ទៅលើនារីរងគ្រោះកាលពីវេលាម៉ោង០២ និង០០នាទីយប់ឈានចូលថ្ងៃទី១៧ ខែមេសា ឆ្នាំ២០២១ នៅចំណុចបន្ទប់ជួលជិតខារ៉ាអូខេអេស្វផ្លាស ស្ថិតនៅក្នុងភូមិសាមគ្គីមានជ័យ សង្កាត់/ក្រុងប៉ោយប៉ែត ខេត្តបន្ទាយមានជ័យ។
លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែតបានឱ្យដឹងថា ក្រោយពីទទួលពាក្យបណ្ដឹងពីស្ត្រីរងគ្រោះភ្លាម លោកបានចាត់តាំងកម្លាំងជំនាញចុះទៅដល់កន្លែងកើតហេតុ ហើយធ្វើការសួរនាំ នឹងឃាត់ខ្លួនជនសង្ស័យម្នាក់ឈ្មោះ អៀក សេងថៃ ភេទប្រុស អាយុ៣៥ឆ្នាំ មុខរបរជាងជួសជុលរថយន្ត រស់នៅភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ហើយបញ្ជូនមកមូលដ្ឋានអាវុធហត្ថក្រុង ដើម្បីធ្វើការសួរនាំអំពីរឿងហេតុដែលកើតឡើង ។
លោកវរសេនីយ៍ត្រីមេបញ្ជាការ បញ្ជាក់ថា ក្រោយពីកម្លាំងជំនាញប្រឆាំងការជួញដូរមនុស្សអាវុធហត្ថក្រុងសាកសួរចម្លើយរួចមក ជនសង្ស័យបានរៀបរាប់ថា កាលពីថ្ងៃទី១៦ ខែមេសា ឆ្នាំ២០២១វេលាម៉ោង១៧និង៣០នាទី រូបគេបានធ្វើដំណើរទៅក្រុងប៉ោយប៉ែត ក្នុងគោលបំណងទៅលេងប្រពន្ធ ដែលស្នាក់នៅជាមួយនារីរងគ្រោះខាងលើ ពេលទៅដល់ក្រុងប៉ោយប៉ែតរូបគេពុំបានទៅជួបប្រពន្ធភ្លាមនោះទេ ដោយរូបគេបានទៅផឹកស៊ីជាមួយមិត្តភក្ដិ បន្ទាប់ពីស្រវឹង រូបគេក៏បានទៅបន្ទប់ជួលរបស់ប្រពន្ធ ដើម្បីសម្រាក តែចៃដន្យប្រពន្ធមិននៅ ហើយរូបគេក៏ជួបជាមួយនារីរងគ្រោះដែលប្រពន្ធរបស់គេស្នាក់នៅជាមួយ ជនសង្ស័យរូបនេះឆ្លៀតឱកាសក៏ឡើងលើគ្រែធ្វើសកម្មភាពចាប់រំលោភនារីរងគ្រោះ ដោយចាប់ដៃនារីរងគ្រោះហើយនារីរងគ្រោះមិនព្រម ពេលនោះរូបគេក៏បានប្រើហិង្សាដោយច្របាច់ក នារីរងគ្រោះហើយគំរាមសម្លាប់ទើបនារីរងគ្រោះព្រមឱ្យរួមរក្សរហូតបានសម្រេចតែម្ដង។
ដោយផ្អែកលើពាក្យបណ្ដឹងរបស់ជនរងគ្រោះ និងចម្លើយសារភាពនៃជនសង្ស័យ គឺមានភាពស៊ីសង្វាក់គ្នាបញ្ជាក់ឱ្យឃើញថា ជនសង្ស័យឈ្មោះ អៀក សេងថៃ ពិតជាបានប្រព្រឹត្តបទល្មើសរំលោភសេពសន្ថវៈលើនារីរងគ្រោះពិតប្រាកដមែននោះ កម្លាំងជំនាញប្រឆាំងការជួញដូរមនុស្សអាវុធហត្ថក្រុង កសាងសំណុំរឿង បញ្ជូនមកការិយាល័យប្រឆាំងការជួញដូរមនុស្សអាវុធហត្ថ ខេត្តចាត់ការបន្តតាមនីតិវិធី។បច្ចុប្បន្ន ជនសង្ស័យខាងលើ ត្រូវបានបញ្ជូនទៅសាលាដំបូងខេត្ត នៅព្រឹកថ្ងៃទី១៨ ខែមេសា ឆ្នាំ២០២១ ដើម្បីបន្តនិតិវិធី៕
.jpg)
.jpg)