សាខាកាកបាទក្រហមកម្ពុជា ខេត្តបន្ទាយមានជ័យ ចុះសួរសុកទុក្ខដល់គ្រួសារដែលកូនប្រុសអាយុ៥ឆ្នាំបាត់បង់ជីវិត ក្នុងករណីខ្យល់កន្ត្រាក់រលំផ្ទះសង្កត់លើ
ខេត្តបន្ទាយមានជ័យ៖ឯកឧត្តម អ៊ុំ រាត្រី ប្រធានគណៈកម្មាធិការសាខាកាកបាទក្រហមកម្ពុជាខេត្ត និងជាអភិបាលខេត្តបន្ទាយមានជ័យ អមដំណើដោយលោក លី សារី អនុប្រធានអចិន្ត្រៃសាខាកាកបាទក្រហមកម្ពុជាខេត្តបន្ទាយមានជ័យ និងជាអភិបាលរងខេត្ត នៅថ្ងៃទី១៣ ខែមេសា ឆ្នាំ២០២១ បានដឹកនាំក្រុមការងារ ចូលរួមរំលែកទុក្ខដ៏គ្រៀមគ្រំ និងនាំយកនូវអំណោយផ្តល់ជូនដល់គ្រួសារដែលមានកូនប្រុសឈ្មោះអឿន វិអែន អាយុ៥ឆ្នាំស្លាប់ ក្នុងហេតុការណ៍ខ្យល់កន្ត្រាក់រលំផ្ទះសង្កត់លើ កាលយប់ថ្ងៃ១២ ខែមេសា ឆ្នាំ២០២១ នៅភូមិបល័្លង្គជ្រៃ ឃុំសឿ ស្រុកមង្គលបូរី ខេត្តបន្ទាយមានជ័យ ក្រោយពីទទួលបានព័ត៌មានពីអាជ្ញាធរមូលដ្ឋាន។
បន្ទាប់ពីចូលរួមរំលែកទុក្ខគ្រួសារនៃសពរួចមក ឯកឧត្តម បានបន្តចុះពិនិត្យ និងសួរសុខទុក្ខប្រជាពលរដ្ឋដែលរងផលប៉ះពាល់ ដោយសារខ្យល់កន្ត្រាក់ ចំនួន៦ខ្នង នៅឃុំសឿ ស្រុកមង្គលបូរី៕