ឃាត់ខ្លួនមេឆ្នោតដុះស្លែ បញ្ជូនទៅតុលាការ ខេត្តព្រះវិហារ
ខេត្តព្រះវិហារ៖លោក វុធ សាវី ព្រះរាជអាជ្ញារងអមសាលាដំបូងខេត្តព្រះវិហារ កាលពីវេលាម៉ោងជាង៤រសៀល ថ្ងៃទី១១ ខែមេសា ឆ្នាំ២០២១ បានដឹកនាំកម្លាំងកងរាជអាវុធហត្ថខេត្តព្រះវិហារ ចាប់ឃាត់ខ្លួនមេឆ្នោតដុះស្លែ មួយកន្លែងស្ថិតនៅក្នុងភូមិហ្មសែត សង្កាត់កំពង់ប្រណាក ក្រុងព្រះវិហារ បន្ទាប់ពីបានធ្វើសកម្មភាពរាប់ឆ្នាំមកហើយនោះ។
លោក វុធ សាវី ព្រះរាជអាជ្ញារងអមសាលាដំបូងខេត្តព្រះវិហារ បានឲ្យដឹងថា មេឆ្នោតខាងលើដែលត្រូវចាប់ខ្លួននេះ មានឈ្មោះ ចែ អូន នឹងប្តីឈ្មោះ ហ័ត មានទីលំនៅភូមិ/សង្កាត់ខាងលើ។
ក្នុងពេលឃាត់ខ្លួន សមត្ថកិច្ចបានដកហូតវត្ថុតាងមាន:ម៉ាស៊ីនគិតលេខ ក្រដាស់កត់កន្ទុយលេខ សៀវភៅកត់លេខ នឹងវត្ថុតាងមួយចំនួនផងដែរ។
លោកបានបន្តរថា មេឆ្នោតខាងលើរូបនេះ បានលួចលាក់កត់ឆ្នោតជាយូណាស់មកហើយ ប៉ុន្តែមិនដែលចាប់បាននោះទេ ដោយគាត់នៅតែធ្វើសកម្មភាពកត់ឆ្នោតដដែល រហូតដល់ថ្ងៃឃាត់ខ្លួននេះតែម្តង ។
សូមបញ្ជាក់ថា ជនសង្ស័យមេឆ្នោតខាងលើត្រូវបានសមត្ថកិច្ចកងរាជអាវុធហត្ថខេត្តព្រះវិហារ កសាងសំណុំរឿង បញ្ជូនទៅកាន់សាលាដំបូងខេត្ត ដើម្បីចាត់ការបន្តទៅតាមនីតិវិធីបន្ត៕