លទ្ធផលនៃកិច្ចប្រជុំរវាងអាជ្ញាធរខេត្តបន្ទាយមានជ័យ និងខេត្តស្រះកែវប្រទេសថៃ ដោះស្រាយលើបញ្ហាបន្ទាន់ជូនអាជីវខ្មែរលក់ដូរនៅផ្សាររោងក្លឿ មិនទាន់អនុវត្តឡើងវិញនៅឡើយនោះទេ
ខេត្តបន្ទាយមានជ័យ៖កិច្ចប្រជុំពិភាក្សាការងាររកដោះស្រាយបញ្ហាបន្ទាន់ជូនអាជីវករខ្មែរ ដែលលក់ដូរនៅផ្សាររោងក្លឿ ប្រទេសថៃ នៅព្រឹកថ្ងៃទី០៩ ខែមីនា ឆ្នាំ២០២១ នៅទីស្នាក់ការគយថៃ ច្រកទ្វាខ្លងឡឹក ឈមនឹងច្រកទ្វារអន្តរជាតិប៉ោយប៉ែត រវាងអាជ្ញាធរខេត្តបន្ទាយមានជ័យ និងខេត្តស្រះកែវ ប្រទេសថៃ ដោយខាងភាគីកម្ពុជាដឹកនាំដោយឯកឧត្តម អ៊ុំ រាត្រី អភិបាលនៃគណៈអភិបាលខេត្ត អមដំណើរដោយអភិបាលរងខេត្ត , លោកឧត្តមសេនីយ៍ទោ ឈុន ម៉ៅ មេបញ្ជាការទិសទី១ ខេត្ត , លោកឧត្តមសេនីយ៍ទោ សិទ្ធ ឡោះ ស្នងការនគរបាលខេត្ត ,លោក គាត ហ៊ុល អភិបាលក្រុងប៉ោយប៉ែត និងមន្ត្រីជំនាញជាច្រើនរូបទៀត រីឯភាគីថៃដឹកនាំដោយឯកឧត្តមអភិបាលខេត្តស្រះកែវ អមដំណើរដោយមន្ត្រីក្រោមឱវាតជាច្រើនរូបផងដែរ ជាលទ្ធផលក្នុងកិច្ចប្រជុំមិនទាន់ដាក់ឲ្យអនុវត្តន៍ឡើងវិញនោះទេ គ្រាន់តែជាកិច្ចប្រជុំពិភាក្សារកដំណោះស្រាយតែប៉ុណ្ណោះ។
ក្រោយពីកិច្ចប្រជុំនៅប្រទេសថៃ នៅពេលព្រឹក ត្រូវបានបញ្ជប់ នៅរសៀលថ្ងៃខែដដែលអ្នកសារព័ត៌មានយើង មិនទាន់ទទួលបានព័ត៌មានលំអិតពីឯកឧត្តមអភិបាលខេត្តនៅឡើយទេ ដោយឯកឧត្តមបញ្ជាក់តាមទូរស័ព្ទថា កំពុងជាប់រវាល់ប្រជុំ។តែទោះយ៉ាងនេះក្តីបើយោតាមសំណេនៅលើផេកFacebooK រដ្ឋបាលខេត្ត បញ្ជាក់ថា «សូមបញ្ជាក់ជូនសាធារៈជនជ្រាបជាព័ត៌មានថា កិច្ចប្រជុំពិភាក្សា លើការអនុវត្តន៍រួមឡើងវិញចំពោះបងប្អូនអាជីវករខ្មែរយើង ចូលទៅលក់ដូរនៅក្នុងផ្សាររោងក្លឿ កន្លងមក ខេត្តទាំង២បានខិតខំសម្របសម្រួលឲ្យបងប្អូនអាចចូលទៅលក់ដូរ ដោយគោរពតាមគោលការលើកមុនតាមវិធានសុខាភិបាល ក្នុងបរិបទកូវីដ១៩នោះ តែជាលទ្ធផលមិនទាន់ដាក់ឲ្យអនុវត្តន៍ឡើងវិញនោះទេ គ្រាន់តែជាកិច្ចប្រជុំពិភាក្សារកដំណោះស្រាយ»តែប៉ុណ្ណោះ។
ដោយឡែកលោក គាត ហ៊ុល អភិបាលក្រុងប៉ោយប៉ែត បានបញ្ជាក់ថា កិច្ចប្រជុំនៅថ្ងៃនេះខាងភាគីថៃ បានលើកយកសំណើរខាងភាគីកម្ពុជា ស្នើសុំកាលពីប្រជុំនៅភ្នំដី ខេត្តបាត់ដំបង កាលពីថ្ងៃទី១៧ កន្លងទៅ ឲ្យអាជីវករខ្មែរចូលលក់ដូរក្នុងផ្សាររោងក្លឿ បានមួយរយភាគរយ តែជាលទ្ធផលពេលនេះភាគីថៃ យល់ព្រមទទួលយកសំណើររបស់កម្ពុជា តែភាគីថៃសុំឲ្យអាជីវករខ្មែរនៅពេលចូលទៅត្រូវធ្វើចត្តាឡីស័ករយះពេល១៤ថ្ងៃសិន នៅក្នុងតូបរបស់ខ្លួន ក្នុងផ្សារតែម្តង ដោយមិនអនុញ្ញាតឲ្យធ្វើសកម្មភាពផ្សេងៗ និងលក់ដូរឡើយ ក្រោយពីធ្វើចត្តាឡីស័កមិនមានពាក់ព័ន្ធជំងឺកូវីដ១៩ គេនឹងអនុញ្ញាតឲ្យបើកលក់ដូរជាធម្មតា ថែមទាំងត វីហ្សា ប៉ាស្ព័រ រយះពេល៩០ថ្ងៃទៀតផង៕
.jpg)
