ឧបទ្ទវហេតុគ្រោះថ្នាក់ចរាចរណ៍ បណ្តាលឲ្យយុវជនម្នាក់ស្លាប់ភ្លាមៗ ក្រោយពីបើកម៉ូតូ ទៅបុករថយន្តពីក្រោយ
ខេត្តបន្ទាយមានជ័យ៖បុរសម្នាក់ទំនងជាស្រវឹងបើកម៉ូតូទៅបុករថយន្តពីក្រោយបណ្តាលឲ្យស្លាប់ភ្លាមៗ នៅនឹងកន្លែងកើតហេតុចំណែករថយន្តបើកគេចខ្លួនបាត់ដោយសុវត្ថិភាព កាលពីវេលាម៉ោង៩យប់ ថ្ងៃទី៣ ខែមីនា ឆ្នាំ២០២១ នៅលើកំណាត់ផ្លូវជាតិលេខ៥៦A ស្ថិតនៅក្នុងភូមិខ្លែងពណ៌ខាងជើង ឃុំស្លក្រាម ស្រុកស្វាយចេក ខេត្តបន្ទាយមានជ័យ។
លោកអធិការនគរបាលស្រុកស្វាយចេកបានឲ្យដឹងថា ជនរងគ្រោះអត់ស្គាល់អត្តសញ្ញាណមានមាឌធំដំបង សម្បុរខ្មៅ ស្លៀកខោជើងវែងពណ៌ប្រផេះ ពាក់អាវពណ៌ស្លាទុំ ពាក់មួកសុវត្ថិភាព ពណ៌បៃតង បើកម៉ូតូម៉ាកវេវអាល់ហ្វា ពណ៌ខ្មៅ គ្មានស្លាកលេខ ។
លោកអធិការបញ្ជាថា មុនពេលកើតហេតុជនរងគ្រោះទំនងជាស្រវឹង បានបើកម៉ូតូពីជើងទៅត្បូងក្នុងល្បឿនលៀន លុះមកដល់ចំណុចកើហេតុខាងលើ ស្រាប់តែបើកទៅបុករថយន្តធុនធំពីក្រោយពេញទំហឹងលាន់ដូចរន្ទះ បណ្តាលឲ្យជនរងគ្រោះបាក់.ក ស្លាប់ក្នុងថ្លុកឈាមនៅកន្លែងកើតហេតុ ក្រោយពីកើតហេតុរថហន្តបង្កបើកគេចបាត់ស្រមោលតែម្តង។
មកទល់ពេលនេះ សពជនរងគ្រោះ នៅមិនទាន់ស្គាល់អត្តសញ្ញានៅឡើយទេ សពបានយកទៅតំកល់នៅវត្តកកោះកំណប់ ស្ថិតក្នុងភូមិកកោះ ឃុំស្លក្រាម ស្រុកស្វាយចេក ខេត្តបន្ទាយមានជ័យ ដើម្បីរងចាំក្រុមគ្រួសារឬសាច់ញាតិ មកទទួលយកទៅចាត់ចែងធ្វើបុណ្យតាមប្រពៃណី៕
