ជនសង្ស័យម្នាក់ ត្រូវបានកម្លាំងនគរបាល ក្រុងច្បារមន ចាប់ឃាត់ខ្លួន បន្ទាប់ពីធ្វើសកម្មភាពគាស់លួសសំណាញ់ដែក ចូលលួចទ្រព្យសម្បត្តិប្រជាពលរដ្ឋ
ខេត្តកំពង់ស្ពឺ៖បន្ទាប់ពីទទួលបានពាក្យបណ្តឹងពីជនរងគ្រោះ ពាក់ព័ន្ធទៅនឹងករណីគាស់លួសសំណាញ់ដែក ចូលលួចទ្រព្យសម្បត្តិ នៅត្រង់ចំណុចភូមិពាណិជ្ជកម្ម សង្កាត់រកាធំ ក្រុងច្បារមន ខេត្តកំពង់ស្ពឺ កាលពីថ្ងៃទី២ ខែមីនា ឆ្នាំ២០២១នោះ កម្លាំងប៉ុស្តិ៍នគរបាលរដ្ឋបាលរកាធំ សហការជាមួយជំនាញនគរបាលយុត្តិធម៌ក្រុងច្បារមន ធ្វើការស្រាវជ្រាវរហូតឈានដល់ការឃាត់មុខសញ្ញាសង្ស័យឈ្មោះ កែវ ឈឺ ភេទប្រុស អាយុ៣៤ឆ្នាំ នៅភូមិក្រាំងពលទេព សង្កាត់រកាធំ ជាមុខសញ្ញាចាស់ធ្លាប់ជាប់ព័ន្ធនាគារចំនួន០២លើករួចមកហើយ ពីបទលួច និងបានធ្វើការដកហូតម៉ូតូ១គ្រឿងម៉ាក HONDA C.125 ពណ៌ខ្មៅស៊េរី២០១៤ ពាក់ផ្លាកលេខកំពង់ស្ពឺ 1G7224 ដែលជនសង្ស័យយកមកលាក់ទុក នៅក្នុងព្រៃក្បែរថ្នល់រទេះភ្លើង ក្រោយដីឡូត៍ ឈួន គឹមសាន។
ក្រោយពីឃាត់ខ្លួនបានសមត្ថកិច្ចនាំខ្លួនមកធ្វើការសាកសួរ និងកសាងសំណុំរឿង ដើ្បម្បីចាត់ការតាមនីតីវិធី ៕
