ឯកឧត្តម ជាវ តាយ អភិបាលខេត្តកំពត អញ្ជើញទទួលអំណោយពីរោងចក្រដាប៉ុន កំពតស្ព័ត ដើម្បីចូលរួមចំណែកក្នុងយុទ្ធនាការការពារ និងទប់ស្កាត់ការរីករាលដាលជំងឺកូវីដ-១៩ ក្នុងខេត្តកំពត
ខេត្តកំពត៖ដើម្បីចូលរួមចំណែកក្នុងយុទ្ធនាការការពារ និងទប់ស្កាត់ការរីករាលដាលជំងឺកូវីដ-១៩ ក្នុងខេត្តកំពត សប្បុរសធម៌ ដែលផ្ដល់ដោយរោងចក្រដាប៉ុន កំពតស្ព័ត របស់លោក នីកូ លីន ជាម្ចាស់រោងចក្រ បានផ្តល់ម៉ាស់ចំនួន ៤ម៉ឺនម៉ាស់នៅរសៀលថ្ងៃទី២៣ ខែមីនា ឆ្នាំ២០២១ ជូនឯកឧត្តម ជាវ តាយ អភិបាល នៃគណៈអភិបាលខេត្តកំពត សម្រាប់រដ្ឋបាលខេត្តយកទៅចាត់តែង។
នាឱកាសនោះ ឯកឧត្តមអភិបាលខេត្ត បានថ្លែងអរគុណនិងកោតសរសើរនូវទឹកចិត្តរបស់ម្ចាស់រោងចក្រដាប៉ុនកំពតស្ព័ត ដែលបានចូលរួមជាមួយរដ្ឋបាលខេត្ត ក្នុងការបង្ការ និងទប់ស្កាត់ជំងឺកូវីដ១៩ ក្នុងខេត្តកំពត ក៏ដូចជារួមចំណែកជាមួយរាជរដ្ឋាភិបាល ក្នុងយុទ្ធនាការការពារ និងទប់ស្កាត់ការរីករាលដាលជំងឺកូវីដ-១៩ផងដែរ ហើយម៉ាស់ទាំងអស់នេះ រដ្ឋបាលខេត្តកំពត និងចែកជូនតាមបណ្តាឃុំទាំង ៩៣ក្នុងខេត្តកំពត៕
