ចាប់ឃាត់ខ្លួនបញ្ជូនជនសង្ស័យចំនួន៣នាក់ ទៅតុលាការខេត្តបន្ទាយមានជ័យ ពាក់ព័ន្ធទៅនឹងករណីគ្រឿងញឿន
ខេត្តបន្ទាយមានជ័យ៖កម្លាំងមូលដ្ឋានកងរាជអាវុធហត្ថក្រុងសិរីសោភ័ណ ដឹកនាំដោយលោកវរសេនីយ៍ត្រី យ៉ាន់ សុវណ្ណ មេបញ្ចាការ មូលដ្ឋានកងរាជអាវុធក្រុង បានចុះប្រតិបត្តិការបង្ក្រាបករណីរក្សាទុក និងប្រើប្រាស់ដោយខុសច្បាប់នូវសារធាតុញៀន ដោយធ្វើការឃាត់ខ្លួនជនសង្ស័យបានចំនួន០៣នាក់ ព្រមទាំងដកហូតបាននូវវត្ថុតាងគ្រឿងញៀនប្រភេទមេតំហ្វេតាមីនទឹកកកចំនួន០១កូនថង់កិប ស្មើនឹងទម្ងន់១,៨០ក្រាម ម៉ូតូចំនួន០២គ្រឿង និងសម្ភារៈមួយចំនួន កាលពីវេលាម៉ោង២០ និង១០នាទី ថ្ងៃទី០៩ ខែកុម្ភៈ ឆ្នាំ២០២១ នៅចំណុចភូមិតារាងបាល់ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
លោករវសេនីយ៍ត្រី មេបញ្ចាការ មូលដ្ឋានកងរាជអាវុធក្រុង បានឱ្យដឹងថា ក្រោយពីធ្វើការឃាត់ខ្លួនជនសង្ស័យឈ្មោះ សុខ លីហួរ ភេទប្រុស អាយុ១៧ឆ្នាំ មុខរបរជាងតភ្លើង រស់នៅភូមិ១ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យជាអ្នករក្សាទុកគ្រឿងញៀន ចំណែកជនសង្ស័យចំនួន០២នាក់ទៀត
១/.ឈ្មោះ ឆាន់ ហូលីហុង ភេទប្រុស អាយុ១៧ឆ្នាំ រស់នៅភូមិតារាងបាល់ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ និង ២/.ឈ្មោះ គង់ ចិនតឺ ភេទប្រុស អាយុ១៦ឆ្នាំ រស់នៅភូមិ១ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។
ជនសង្ស័យទាំង០២នាក់ យោងតាមការធ្វើតេស្តទឹកនោមពិនិត្យរកសារធាតុញៀនជាលទ្ធផលវិជ្ជមាន(+)។ជនសង្ស័យទាំង០៣នាក់ ត្រូវបានកម្លាំងជំនាញមូលដ្ឋានអាវុធហត្ថក្រុងកសាងសំណុំរឿងបញ្ជូនមកការិយាល័យបង្ក្រាបបទល្មើសគ្រឿងញៀនអាវុធហត្ថខេត្ត ចាត់ការបន្ត បច្ចុប្បន្ន ជនសង្ស័យទាំង០៣នាក់ រួមនិងវត្ថុតាង ត្រូវបានកម្លាំងជំនាញ បញ្ជូនទៅសាលាដំបូងខេត្ត នៅរសៀលថ្ងៃទី១០ ខែកុម្ភៈ ឆ្នាំ២០២១ ដើម្បីបន្តតាមនិតិវិធីច្បាប់៕
.jpg)
.jpg)
