រថយន្តធុនធំដឹកទំនិញមួយគ្រឿង បើកបរសុខៗស្រាប់តែធ្លាយធុងហ្គាសម៉ាស៊ីនត្រជាក់បណ្តាលអោយឆេះសន្ធោសន្ធៅ នៅក្រុងប៉ៃលិន
ខេត្តប៉ៃលិន៖កាលពីវេលាម៉ោង១ និង៤០នាទីរសៀល ថ្ងៃទី៣០ ខែមករា ឆ្នាំ២០២១ មានការភ្ញាក់ផ្អើលមួយបានកើតឡើង ដោយរថយន្តដឹកទំនិញមួយគ្រឿងបានឆាបឆេះ ស្ទើរគ្មានសល់ ខណៈម្ចាស់បើកបរសុខៗស្រាប់តែធ្លាយធុងហ្គាសម៉ាស៊ីនត្រជាក់ បង្កជាអណ្តាតភ្លើងឆេះសន្ធោរសន្ធៅ ធ្វើឱ្យម្ចាស់បើកទ្វាររថយន្តចេញស្ទើរតែមិនទាន់ ទម្រាំតែរថយន្តពន្លត់អគ្គីភ័យមកជួយពន្លត់ទាន់ពេលវេលា បណ្តាលឱ្យឆេះអស់ស្ទើទាំងស្រុង។
ហេតុការណ៍នេះបានកើតឡើង នៅលើបណ្តោយផ្លូវជាតិលេខ៥៧ ស្ថិតនៅក្នុងភូមិដីក្រហម សង្កាត់អូតាវ៉ៅ ក្រុងប៉ៃលិ ខេត្តប៉ៃលិន ។
ប្រភពព័ត៍មានបានឱ្យដឹងថា៖មុនពេលកើតហេតុ គេឃើញអ្នកបើកបររថយន្តដឹកទំនិញម្នាក់ ភេទប្រុស មិនស្គាល់អត្តសញ្ញាណជាន់ហ្វ្រាំងយ៉ាងប្រញាប់ឈប់នៅលើដងផ្លូវ ហើយស្រែកឱ្យអ្នកភូមិជួយ ខណៈរថយន្តរបស់ខ្លួនមានការធ្លាយហ្គាសម៉ាស៊ីនត្រជាក់ បង្កហេតុជាអណ្តាតភ្លើងឆាបឆេះ។ក្រោយមកកម្លាំងអធិការដ្ឋាននគរបាលក្រុងប៉ៃលិន បានចេញប្រតិបត្តិការពន្លត់ ដោយប្រើប្រាស់រថយន្តពន្លត់អគ្គិភ័យចំនួន០៤គ្រឿង។
ទោះបីជាយ៉ាងណាករណីខាងលើបានបណ្តាលឲ្យខូចខាតរថយន្ត០១គ្រឿង (ម៉ាក COMC SHEN ZHEN ពណ៌ស ពាក់ផ្លាកលេខ ភ្នំពេញ 3F-1059)។តែមិនបណ្ដាលឲ្យមានគ្រោះថ្នាក់ដល់អ្នកបើកបរនិងប្រជាពលរដ្ឋធ្វើដំណើរតាមដងផ្លូវឡើយ ៕
