កិច្ចប្រជុំត្រួតពិនិត្យប្លង់កែលម្អផ្លូវស៉ីវត្ថាបន្ទាប់ពីកែសម្រួលប្រព័ន្ធ ក្រោមដីកន្លងមក
ខេត្តសៀមរាប:ឯកឧត្តម ទៀ សីហា អភិបាល នៃគណៈអភិបាលខេត្ត និងឯកឧត្តម វង្ស ពិសិដ្ឋ អនុរដ្ឋលេខាធិការ ក្រសួងសាធារណការ និងដឹកជញ្ជូន
កាលពីថ្ងៃទី២៩ ខែមករា ឆ្នាំ២០២១ បានដឹកនាំកិច្ចប្រជុំត្រួតពិនិត្យស្តីពីគម្រោងប្លង់កែលម្អផ្លូវស៊ីវុត្ថា ក្រុងសៀមរាប។
ក្នុងឱកាសនោះឯកឧត្តម អភិបាលខេត្តបានបញ្ជាក់ថា កន្លងមកផ្លូវស៉ីវត្ថា ចាប់ពីស្តុបសុខាអង្គររហូតដល់វត្តចក ត្រូវបានធ្វើការកែសម្រួលប្រព័ន្ធលូ ក្រោមដីរួចមកត្រូវបានក្រុមការងារបច្ចេកទេសធនាគារអភិវឌ្ឍន៍អាស៊ី (ADB) ធ្វើការសាងសង់និងជួសជុលកំណាត់ផ្លូវនេះឡើងវិញ ឱ្យស្របតាមប្លង់បច្ចេកទេសដែលបានគ្រោងទុក។ម្យ៉ាងទៀត ការកែលម្អផ្លូវនេះនឹងធ្វើឱ្យក្រុងសៀមរាបកាន់តែមានសោភ័ណភាពស្រស់ស្អាត និងងាយស្រួលដល់ចរាចរបន្ថែមមួយកម្រិតទៀត ពិសេសគឺការកាត់បន្ថយការកកស្ទះផងដែរ៕
