ជនសង្ស័យ២នាក់ ពាក់ព័ន្ធករណីរក្សាទុកសារធាតុញៀនខុសច្បាប់ ត្រូវបានសមត្ថកិច្ចឃាត់ខ្លួន
ខេត្តកំពង់ស្ពឺ៖កម្លាំងនគរបាលផ្នែកប្រឆាំងគ្រឿងញៀនស្រុកភ្នំស្រួច កាលពីថៃ្ងទី២៦ ខែមករា ឆ្នាំ២០២១ បានចុះល្បាតក្នុងភូមិសាស្ត្រ ភូមិឈើនាងខ្ពស់ ឃុំតាំងស្យា ស្រុកភ្នំស្រួច បានប្រទះឃើញមុខសញ្ញា ប្រើប្រាស់គ្រឿងញៀនម្នាក់ឈ្មោះ ខាត់ សៅរឹត ភេទប្រុស អាយុ២០ឆ្នាំ នៅភូមិត្នោតព្រែក ឃុំតាំងស្យា ស្រុកភ្នំស្រួច រកឃើញម្សៅក្រាមពណ៍ សថ្លាចំនួន០២កញ្ចប់តូច សង្ស័យជាគ្រឿងញៀន រួមជាមួយមធ្យោបាយ ម៉ូតូ០១គ្រឿង ម៉ាកMSLAZ ពណ៍សលាយខ្មៅ គ្មានស្លាកលេខ ក្រោយសាកសួរជនសង្ស័យឆ្លើយថា ខ្លួនទិញថ្នាំញៀនពីរឈ្មោះ នួន សាមិត ។
ដោយបានការចង្អុលណែនាំពីលោកឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ និងបានការសម្របសម្រួលនីតិវិធី ពីព្រះរាជអាជ្ញា នៃអយ្យការអមសាលាដំបូងខេត្ដកំពង់ស្ពឺ សមត្ថកិច្ចបានឃាត់ខ្លួន ឈ្មោះ នួន សាមិត ភេទស្រី អាយុ៥៩ឆ្នាំ នៅចំណុចរោងបឹងស្រែ ស្ថិតក្នុងភូមិក្រាំងធំ ឃុំតាំងសំរោង ស្រុកភ្នំស្រួច បន្តឆែកឆេររកឃើញម្សៅក្រាមពណ៍សថ្លា ចំនួន១៥កញ្ចប់តូចតាមចម្លើយបឋម គឺជាគ្រឿងញៀនប្រាកដមែន(ច្រកសម្រាប់លក់)។
ជនសង្ស័យទាំង២នាក់ រួមទាំងវត្ថុតាងជំនាញបានបបញ្ជូនទៅអធិការដ្ឋាននគរបាលស្រុកភ្នំស្រួច ដើម្បីធ្វើការសាកសួរ និងកសាងសំណុំរឿងចាត់ការតាមនិតិវិធី៕
