យុវជនពីរនាក់បានរងរបួសយ៉ាងដំណំ ក្រោយពីមានជនសង្ស័យ២នាក់ ជិះម៉ូតូមកពីក្រោយធ្លាក់ដួល
រាជធានីភ្នំពេញ:យុវជន២នាក់ត្រូវបានជនសង្ស័យពីរនាក់ជិះម៉ូតូមកពីក្រោយធ្លាក់ដួលទៅលើទៅចិញ្ចើមផ្លូវ បណ្តាលឲ្យរងរបួសដៃជើងយ៉ាងដំណំ បន្ទាប់ពីជិះម៉ូតូមួយគ្រឿងមកពីទិញថ្នាំបន្តក់ភ្នែកឲ្យមិត្តភ័ក្រត្រឡប់មកផ្ទះវិញ ។
ហេតុការណ៍បានកើតឡើងកាលពីវេលាម៉ោង១១ យប់ថ្ងៃទី២៥ ខែមករា ឆ្នាំ ២០២១ ស្ថិតនៅតាមបណ្ដោយផ្លូវសហព័ន្ធរុស្សី ខាងកើតស្ពានអាកាសសាដីហុយប្រមាណជាង១០០ ម៉ែត្រ ក្នុងសង្កាត់ទឹកថ្លាខណ្ឌសែនសុខ រាជធានីភ្នំពេញ។
ជនរងគ្រោះបានឲ្យដឹងថា មុនកើតហេតុរូបគាត់បានជិះម៉ូតូមួយគ្រឿងម៉ាកឌ្រីមសង់សេរីឆ្នាំ២០១៧ ពណ៌ខ្មៅពាក់ស្លាកលេខព្រៃវែង1K-8106 ទៅទិញថ្នាំបន្តក់ភ្នែកនៅឯម្ដុំជ្រោយចង្វា លុះទិញរួចហើយក៏បាននាំគ្នាជិះត្រឡប់មកផ្ទះវិញដោយធ្វើដំណើរតាមបណ្ដោយផ្លូវសហព័ន្ធរុស្ស៊ី ទិសដៅពីកើតទៅលិច លុះមកដល់ចំណុចកើតហេតុខាងលើ ជិតដល់ផ្ទះហើយ ក៏មានជនសង្ស័យពីរនាក់ជិះម៉ូតូឌ្រីមសង់មួយគ្រឿងមិនចាំស្លាកលេខមកពីក្រោយ រួចធាក់ម៉ូតូរបស់គាត់ដួលទៅលើចិញ្ចើមផ្លូវ ធ្វើឲ្យគាត់ទាំងពីរនាក់រងរបួសដៃជើងយ៉ាងដំណំ ចំណែកម៉ូតូរងការខូចខាតបន្តិចបន្តួច។ចំណែកជនសង្ស័យក្រោយពីធ្វើសកម្មភាពធាក់ម៉ូតូគាត់ដួលរួចហើយបាននាំគ្នាបន្តែមម៉ូតូល្បឿនម៉ូតូសំដៅទៅទិសខាងលិចបាត់ស្រម៉ោល។
ក្រោយកើតហេតុជាប់រងគ្រោះទាំងពីរនាក់មិនបានទៅដាក់ពាក្យបណ្ដឹងនៅប៉ុស្តិ៍នគរបាលនោះទេ រួចនាំគ្នាជិះម៉ូតូបន្តដំណើរទៅផ្ទះវិញនិងព្យាបាលរបួសដោយខ្លួនឯង៕
