គ្រោះថ្នាក់ចរាចរណ៍ក្នុងថ្ងៃតែ១ ស្រុក២មានមនុស្សស្លាប់២នាក់ របួសធ្ងន់១នាក់
ខេត្តបន្ទាយមានជ័យ៖ស្លាប់២នាក់ របួសធ្ងន់១នាក់ ក្នុងស្រុកពីផ្សេងគ្នាក្នុងខេត្តបន្ទាយមានជ័យ
ដោយសារជួបគ្រោះថ្នាក់ចរាចរណ៍ បង្កឡើងដោយអ្នកបើកម៉ូតូម៉ាកហុងដាឌ្រីមសេ125 ពណ៌ខ្មៅ ពាក់ផ្លាកលេខ1Q-5412ប.មានជ័យ បើកទៅបុកគោយន្តកន្ត្រៃពីក្រោយពេញទំហឹងក្នុងទិសដៅពីកើតទៅលិច បណ្តាលឲ្យដួលខ្ទាតទៅទ្រូងថ្នល់ស្របពេលនោះ មានរថយន្តតូចមិនស្គាល់ម៉ាកបុកជាន់បន្ថែមបណ្តាលឲ្យស្លាប់នៅនឹងកន្លែងកើតហេតុ និង១នាក់ទៀតរងរបួសធ្ងន់។
ហេតិការណ៍នេះបានកើតឡើងកាលពីវេលាម៉ោង៧យប់ថ្ងៃទី២៤ ខែមករា ឆ្នាំ២០២១ នៅលើកំណាត់ផ្លូវជាតិលេខ៦ នៅទល់មុខឈៀងខាងលិចការ៉ាស់សាំងស៊ីម ឃីម ចម្ងាយ៥០ម៉ែត្រ ក្នុងភូមិសាលាក្រៅ សង្កាត់ភ្នៀត ក្រុងសិរីសោភ័ណ ខេត្តបន្ទាយមានជ័យ។
លោកវរសេនីយ៍ឯកគី មករា នាយការិយាល័យ នគរបាលចរាចរណ៍ខេត្តបានឲ្យដឹងថា ជនរងគ្រោះទាំងអ្នកស្លាប់ និងរបួសធ្ងន់មិនទាន់បានស្គាល់អត្តសញ្ញាណនោះឡើយ ចំពោះអ្នកគោយន្តកន្ត្រៃ និងរថយន្តក្រោយកើតហេតុបើកគេចខ្លួនបាត់ ។ចំណែកនៅស្រុកភ្នំស្រុក នៅវេលាម៉ោង៩យប់ថ្ងៃទី ២៤ខែមករា ឆ្នាំ២០២១នៅត្រង់ចំណុចលើខ្នងអាងពន្លៃ ស្ថិតនៅភូមិពន្លៃ ឃុំពន្លៃ ស្រុកភ្នំស្រុក ខេត្តបន្ទាយមានជ័យ មានករណីគ្រោះថ្នាក់ចរាចរណ៍កើតឡើងបង្កដោយខ្លួនឯង។អ្នកដែលស្លាប់នៅក្នុងហេតុការណ៍គ្រោះថ្នាក់នេះ មានឈ្មោះប្រែង ភារុណ ភេទប្រុស អាយុ២៨ ឆ្នាំ រស់នៅភូមិពន្លៃ ឃុំពន្លៃ ស្រុកភ្នំស្រុក បើកម៉ូតូម៉ាកវេវអ៊ី សេរីឆ្នាំ២០១៥ ពណ៌ខ្មៅ-ទឹកប៊ិច គ្មានស្លាកលេខ បើកក្នុងទិសដៅពីត្បូងទៅជើង ក្នុងល្បឿនលឿនសង្ស័យស្រវឹង ដល់ចំណុចកើតហេតុផ្លូវកោងបានរេងចង្កូតមកឆ្វេងដៃបុកបង្គោលចំណាំងផ្លាតមនុស្សបានខ្ទាតក្បាលបោកនឹងបង្គោលចំណាំងផ្លាតស្លាប់ភ្លាមៗមួយរំពេចនៅនឹងកន្លែងកើតហេតុ ។ទាំង២ករណីនេះមានមនុស្ស២នាក់ស្លាប់ប្រគល់ជូនក្រុមគ្រួសារចាត់ចែងធ្វើបុណ្យតាមប្រពៃណី និង១នាក់របួសធ្ងន់ បញ្ជូនទៅព្យាបាលនៅមន្ទីរពេទ្យ ចំណែកវត្ថុតាងនគរបាលយកទៅទុកនៅអធិការ ដើម្បីដោះស្រាយនៅពេលក្រោយ៕
.jpg)
.jpg)
