បុរសម្នាក់ជិះម៉ូតូខ្វះការប្រយ័ត្ន បុកសត្វឆ្កែ បណ្តាលឲ្យដួល ជាអកុសលត្រូវរថយន្តមកពីក្រោយកិនស្លាប់ យ៉ាងអណោចអធម័ នៅស្រុកព្រៃនប់
ខេត្តព្រះសីហនុ៖ឧបទ្ទវហេតុគ្រោះថ្នាក់ចរាចរណ៍ដ៏រន្ធត់បង្កឡើងដោយរថយន្តមួយគ្រឿងបើកកិនបុរសម្នាក់ ខណ:ជិះម៉ូតូបុក សត្វឆ្កែមួយក្បាល ដួលចូលរថយន្តបណ្តាលឲ្យស្លាប់ភ្លាមៗយ៉ាងអណោចអធម័ កាលពីថ្ងៃទី១៩ ខែមករា ឆ្នំា២០២១ លើផ្លូវជាតិលេខ៤ ចន្លោះបង្គោលគីឡូម៉ែត្រលេខ ១៧៣-១៧៤ ស្ថិតនៅភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ ។
សមត្ថកិច្ចបានឲ្យដឹងថា អ្នកបើកបរម៉ូតូមានឈ្មោះ មុត មាន ភេទប្រុស
អាយុ១៨ឆ្នាំ មានទីលំនៅភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ។
ក្រោយពេលកើតហេតុ រថយន្តដែលបើកកិនជនរងគ្រោះនោះបន្តបើកទៅមុខបាត់ ជាមួយគ្នានេះសមត្ថកិច្ចកំពុងធ្វើការស្រាវជ្រាវដើម្បីដោះស្រាយតាមនីតិវិធីច្បាប់។ដោយឡែកសពត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
