ជនសង្ស័យ២នាក់ ដែលជាប់ពាក់ព័ន្ធករណីគ្រឿងញៀន ត្រូវបានអាវុធហត្ថចាប់ឃាត់ខ្លួន បញ្ជូនទៅតុលាការខេត្តបន្ទាយមានជ័យ
ខេត្តបន្ទាយមានជ័យ៖ក្រោយពីទទួលបានព័ត៌មានពីប្រជាពលរដ្ឋថាមានករណីជួញដូរ និងប្រើប្រាស់សារធាតុញៀន កម្លាំងមូលដ្ឋានកងរាជអាវុធហត្ថក្រុងសិរីសោភ័ណ ដឹកនាំដោយលោកវរសេនីយ៍ត្រី យ៉ាន់ សុវណ្ណ មេបញ្ជាការអាវុធហត្ថក្រុង បានចុះប្រតិបត្តិការបង្រ្កាប នឹងឃាត់ខ្លួនជនសង្ស័យបានចំនួន០២នាក់ កាលពីវេលាម៉ោង១៤ និង៣០នាទី ថ្ងៃទី១៣ ខែមករា ឆ្នាំ២០២១ ស្ថិតក្នុងភូមិខ្លាកូនចាស់ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
លោកវរសេនីយ៍ត្រី យ៉ាន់ សុវណ្ណ បានឱ្យដឹងថា ជនសង្ស័យទាំង២នាក់ដែលកម្លាំងឃាត់ខ្លួនបានមានឈ្មោះ ឆឺន អ៊ីត ភេទប្រុស អាយុ១៧ឆ្នាំ និងឈ្មោះ ខ្វឿន ជីវ៉ា ភេទប្រុស អាយុ២២ឆ្នាំ អ្នកទាំង០២នាក់ រស់នៅភូមិគោកបល័ង្គ ឃុំគោកបល័ង្គ ស្រុកមង្គលបូរី ខេត្តបន្ទាយមានជ័យ។ក្រោយពីឃាត់ខ្លួនជនសង្ស័យ ត្រូវបានបញ្ជូនមកមូលដ្ឋានអាវុធហត្ថក្រុង ដើម្បីធ្វើការសាកសួរ។ក្រោយពីសាកសួរចម្លើយជនសង្ស័យឈ្មោះ ឆឺត អ៊ីត បានឆ្លើយសារភាពថា រូបគេពិតជាបានជួញដូរ និងប្រើប្រាស់គ្រឿងញៀនពិតប្រាកដមែន ចំណែកឈ្មោះ ខ្វឿន ជីវ៉ា បានឆ្លើយសារភាថា រូបគេពិតជាបានប្រើប្រាស់គ្រឿងញៀនពិតប្រាកដមែន។ដោយផ្អែកលើចម្លើយសារភាព និងវត្ថុតាងដែលដកហូតបានក្រោយពីឃាត់ខ្លួនមានគ្រឿងញៀនមេតំហ្វេតាមីនទឹកកក ចំនួន០១ថង់កិប ទម្ងន់៧,៩០ក្រាម, ម៉ូតូចំនួន០១គ្រឿង ម៉ាកហុងដាឃ្លិច ពណ៌ក្រហម ផលិតឆ្នាំ២០១៣ គ្មានស្លាកលេខ និងសម្ភារៈមួយចំនួន ព្រមទាំងតាមការធ្វើតេស្តទឹកនោមពិនិត្យរកសារធាតុញៀនជាលទ្ធផលវិជ្ជមានផង ទើបកម្លាំងជំនាញគ្រឿងញៀអាវុធហត្ថក្រុង បានកសាងសំណុំរឿងបញ្ជូនមកការិយាល័យបទល្មើសគ្រឿងញៀនអាវុធហត្ថខេត្ត ដើម្បីចាត់ការបន្ត។
បច្ចុប្បន្ន ជនសង្ស័យទាំង០២នាក់ រួមនឹងវត្ថុតាង ត្រូវបានកម្លាំងជំនាញបទល្មើសគ្រឿងញៀនអាវុធហត្ថខេត្ត បញ្ជូនទៅសាលាដំបូងខេត្តនៅថ្ងៃទី១៤ ខែមករា ឆ្នាំ២០២០១ ដើម្បីចាត់បន្តការតាមនីតិវិធី៕
.jpg)
.jpg)
.jpg)