ជនសង្ស័យចំនួន៣នាក់ ត្រូវបានកម្លាំងនគរបាលស្រុងស្អាងចាប់ឃាត់ខ្លួន ពាក់ព័ន្ធទៅនឹងករណីគ្រឿងញៀន
ខេត្តកណ្ដាល៖ក្រុមជួញដូរថ្នាំញៀនយ៉ាសកម្មចំនួន៣នាក់ ត្រូវបានកម្លាំងនគរបាលស្រុកស្អាង ចាប់ឃាត់ខ្លួន កាលពីថ្ងៃទី១២ ខែមករា ឆ្នាំ២០២១ នៅចំណុចភូមិតាលន់ ឃុំតាលន់ ស្រុកស្អាង ខេត្តកណ្តាល និងដកហូតបានថ្នាំញៀនចំនួន២២កញ្ចប់។
ជនសង្ស័យទាំង៣នាក់ដែលឃាត់ខ្លួនរួមមាន៖
ទី១/ឈ្មោះ យ៉ត យ៉ាងដុង ភេទប្រុស អាយុ១៥ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិតាលន់ ឃុំតាលន់ ស្រុកស្អាង ខេត្តកណ្តាល។
ទី២/ ឈ្មោះ ប៉ុណ្ណារ៉ា រ៉ាក់ ភេទប្រុស អាយុ៣០ឆ្នាំ ជនជាតិខ្មែរ មុខរបរ កសិករ មានទីលំនៅភូមិចុងកោះតូច ឃុំតាលន់ ស្រុកស្អាង ខេត្តកណ្តាល និងទី៣/ឈ្មោះ ឡុត រិទ្ធ ហៅខ្លឹម ភេទប្រុស អាយុ២៥ឆ្នាំ ជនជាតិខ្មែរ មុខរបរ ជាងឈើ មានទីលំនៅភូមិតាលន់ ឃុំតាលន់ ស្រុកស្អាង ខេត្តកណ្តាល។
ដោយឡែកវត្ថុតាងដកហូតបានមាន៖ថ្នាំញៀនចំនួន២២កញ្ចប់ ក្នុងនោះធំ០១កញ្ចប់,តូច២១កញ្ចប់ ស្មើទម្ងន់៦,០៦ក្រាម,កាំភ្លើងខ្យល់ចំនួន០១ដើម និងសំភារៈប្រើប្រាស់វេចខ្ចប់មួយចំនួនទៀតផងដែរ ។ក្រោពីឃាត់ខ្លួនបញ្ជូនទៅអធិការដ្ឋាននគរបាលស្រុកស្អាង ដើម្បីកសាងសំណុំរឿងចាត់ការតាមនីតិវិធីច្បាប់៕
