ចាប់ឃាត់ខ្លួនចោកាច់ក ម៉ូតូរបស់ជាងសំណង់ នៅក្នុងបុរីពិភពថ្មី២
រាជធានីភ្នំពេញ៖ចោកាច់ក ម៉ូតូម្នាក់ក្នុងចំណោមបក្សពួក២នាក់ ត្រូវបានមេការសំណង់និងប្រជាពលរដ្ឋចាប់ប្រគល់ឲ្យសមត្ថកិច្ច កាលពីវេលាម៉ោង៩ និង៣០នាទីព្រឹក ថ្ងៃទី៣ ខែកញ្ញា ឆ្នាំ២០២០ នៅចំណុចសំណង់បុរីពិភពថ្មី២ ស្ថិតនៅក្នុងភូមិព្រៃកីខ សង្កាត់ពងទឹក ខណ្ឌដង្កោ រាជធានីភ្នំពេញ។
សមត្ថកិច្ចបានឲ្យដឹងថា ជនសង្ស័យមានឈ្មោះ រស់ សារិន ភេទប្រុស អាយុ៣៦ឆ្នាំ មុខរបបនិងស្នាក់នៅមិនពិតប្រាកដ។ចំណែកម្នាក់ទៀតដែលរត់គេចខ្លួនមានឈ្មោះ ចិត្រ ភេទប្រុស អាយុប្រហែល២៧ឆ្នាំ មុខរបបនិងស្នាក់នៅមិនពិតប្រាកដដូចគ្នា។
សមត្ថកិច្ចបញ្ជាក់ថា មុននឹងឃាត់ខ្លួនជនសង្ស័យខាងលើ ពួកគេមានគ្នា២នាក់បានជិះម៉ូតូមួយគ្រឿងម៉ាក ហុងដាឌ្រីម ស៊េរី២០១១ មិនចាំស្លាកលេខ មកធ្វើសមក្មភាពកាច់កម៉ូតូជាងសំណង់ នៅក្នុងបុរីពិភពថ្មី២ ខណៈកាច់កបានសម្រេច រួចបំរុងបណ្ដើរជិះចេញ ក៏ត្រូវបានមេការសំណង់ឃើញក៏សួរនាំទើបដឹកថាជាចោរ ក៏ឃាត់ខ្លួនបានម្នាក់ប្រគល់ឲ្យសមត្ថកិច្ចប៉ុស្ដិ៍នគរបាលរដ្ឋបាល ពងទឹក ចំណែកបក្សពួកម្នាក់ទៀតដឹងខ្លួនទាន់ក៏បានជិះម៉ូតូគេចខ្លួនបាត់ ។
បច្ចុប្បន្ន ជនសង្ស័យ ត្រូវបានសមត្ថកិច្ចប៉ុស្ដិ៍នគរបាលរដ្ឋបាល ពងទឹក កសាងសំណុំរឿងបញ្ចូនទៅអធិការដ្ឋាននគរបាលខណ្ឌដង្កោ ដើម្បីចាត់ការបន្តតាមនីតិវិធី ៕
