ពលរដ្ឋដែលមានការសង្ស័យ បានឆ្លងជំងឺគ្រុនឈិក នៅឃុំព្រែកឫស្សី ស្រុកល្វាឯមចំនួន១៩នាក់ ទទួលបានភាពកក់ក្តៅពីឯកឧត្តមអភិបាលខេត្តកណ្តាល
ខេត្តកណ្ដាល៖ប្រជាពលរដ្ឋដែលមានការសង្ស័យ បានឆ្លងជំងឺគ្រុនឈិក ដែលកំពុងសំរាកព្យាបាល ចំនួន១៩នាក់ ស្ថិតនៅវត្តជ្រោយស្ដី ក្នុងភូមិពាមស្ដី ឃុំព្រែកឬស្សី ស្រុកល្វាឯម ខេត្តកណ្តាល ទទួលបានភាពកក់ក្តៅពីអាជ្ញាធរខេត្តកណ្តាល។
កាលពីយប់ថ្ងៃទី២៧ ខែកញ្ញា ឆ្នាំ២០២០ ឯកឧត្តម គង់ សោភ័ណ្ឌ អភិបាលខេត្តកណ្ដាល និងជាប្រធានគណៈកម្មាធិការកាកបាទក្រហមកម្ពុជាខេត្តកណ្ដាល បានដឹកនាំមន្ត្រីក្រោមឱវាតអញ្ជើញចុះសួរសុខទុក្ខ និងនាំយកអំណោយមនុស្សធម៌របស់កាកបាទក្រហមកម្ពុជាខេត្ត ជាថវិកាមួយចំនួន ផ្ដល់ជូនប្រជាពលរដ្ឋដែលមានការសង្ស័យបានឆ្លងជំងឺគ្រុនឈិក កំពុងសំរាកព្យាបាល៕
