លោកឧត្តមសេនីយ៍ត្រី ស្នងកាខេត្តបាត់ដំបង ប្រគល់ត្រាស្ងួតដល់អធិការដ្ឋាននគរបាលក្រុងស្រុកទាំង១៤ ដេីម្បីប្រេីប្រាស់បម្រេីសេវាជូនប្រជាពលរដ្ឋ ឱ្យបានឆាប់រហ័សទាន់ពេលវេលា
ខេត្តបាត់ដំបង៖ក្នុងឱកាសជួបសំណេះសំណាល និងប្រគល់ត្រាស្ងួតដល់អធិការដ្ឋាននគរបាលក្រុង ស្រុកទាំង១៤ ដេីម្បីប្រេីប្រាស់បម្រេីសេវាជូនប្រជាពលរដ្ឋ ឱ្យបានឆាប់រហ័សទាន់ពេលវេលា នៅព្រឹកថ្ងៃ ចន្ទ ១១កេីតខែ អស្សុជ ឆ្នាំជូតទោស័កព.ស.២៥៦៤ ត្រូវនឹងថ្ងៃទី២៨ ខែកញ្ញា ឆ្នាំ២០២០ លោកឧត្តមសេនីយ៍ត្រី សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បានណែនាំផ្តាំផ្ញេីដល់លោក លោកស្រីជាអធិការរងទទួលបន្ទកការងារគ្រប់គ្រងការស្នាក់នៅ របស់អធិការដ្ឋាននគរបាលក្រុង ស្រុក ទាំង១៤រួមជាមួយថ្នាក់ដឹកនាំផែនការងារអត្តសញ្ញាណកម្ម និងមន្ត្រីនគរបាលក្នុងផែនទាំងអស់ ជាពិសេសនគរបាលប៉ុស្តិ៍រដ្ឋបាល ត្រូវខិតខំយកចិត្តទុកដាក់បម្រេីសេវាជូនប្រជាពលរដ្ឋ ដោយស្មោះត្រង់ និងទាន់ពេលវេលា ចៀសវាងឱ្យបានជាដាច់ខាតនូវភាពអសកម្ម បង្កនូវភាពយឺតយ៉ាវ និងការលំបាកផ្សេងៗដល់ប្រជាពលរដ្ឋ ហេីយក្នុងករណីលេចចេញនូវបាតុភាពអសកម្មណាមួយ ដែលនាំឱ្យមានការថ្នាំងថ្នាក់ពីប្រជាពលរដ្ឋលេីបញ្ហានេះ មន្រ្តីនគរបាលរូបនោះត្រូវទទួលខុសត្រូវចំពោះវិន័យកងកម្លាំងនគរបាលជាតិ៕
