មនុស្សម្នាក់រងរបួសធ្ងន់ ដោយសាររថយន្តនិងម៉ូតូ ប្រលះគ្នាយ៉ាងពេញទំហឹង
ខេត្តប៉ៃលិន៖ករណីគ្រោះថ្នាក់ចរាចរណ៍នៅត្រង់ចំណុចភូមិវត្ត សង្កាត់ប៉ៃលិន ក្រុងប៉ៃលិន កាលពីថ្ងៃចន្ទ ១៤រោច ខែភទ្របទ ឆ្នាំជូត ទោស័ក ព.ស២៥៦៤ ត្រូវនិងថ្ងៃទី១៤ ខែកញ្ញា ឆ្នាំ២០២០ វេលាម៉ោង៩ និង៤០នាទី រវារថយន្ត និងម៉ូតូ បានបណ្តាលឱ្យមនុស្សម្នាក់រងរបួសធ្ងន់ និងមធ្យោបាយទាំងសងខាងរងការខូចខាតយ៉ាងដំណុំ។
ពាក់ពន្ធ័ទៅនឹងករណីខាងលើនេះ បើតាមប្រភពព័ត៌មានបានឱ្យដឹងថា៖អ្នកបើកបររថយន្តមាន ឈ្មោះ អឿ សំអុល ភេទប្រុស អាយុ៥០ឆ្នាំ ជនជាតិខ្មែរ រស់នៅភូមិមណ្ឌលគីរី សង្កាត់ស្ពានមានជ័យ ក្រុងមនោរម្យ ខេត្តមណ្ឌលគីរី ដោយបើករថយន្តម៉ាក Camaray ពណ៌ប្រាក់ ផលិតឆ្នាំ 2000 ពាក់ផ្លាកលេខ 2A-8409 មណ្ឌលគីរី (ខូចខាតស្រាល)។ចំណែកជនរងគ្រោះមាន ឈ្មោះ នឿន នីគូ អាយុ១៥ឆ្នាំ រស់នៅភូមិអូរតាវ៉ៅ សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន(របួសធ្ងន់) ដឹកបញ្ជូនទៅសង្គ្រោះនៅឯមន្ទីពេទ្យ ដោយបើកបរម៉ូតូម៉ាក Honda dream ពណ៌ខ្មៅ ពាក់ផ្លាកលេខ 1HY-1846 ភ្នំពេញ (ខូចខាតធ្ងន់) មិនពាក់មួកសុវត្ថិភាព។ក្រោយពីកើតហេតុភ្លាម សមត្ថកិច្ចមូលដ្ឋានបានចុះទៅគោលដៅ ដើម្បីធ្វើការវាស់វែង និងគត់កំណត់ហេតុ ព្រមទាំងនាំយកមធ្យោបាយពាក់ពន្ធ័ទាំងអស់ទៅរក្សាទុក រងចាំដោះស្រាយគ្នាតាមនិតិវិធីជាក្រោយ៕
