កិច្ចប្រជុំស្តីពីការពិនិត្យមើល និងវិធានការគ្រប់គ្រង និងឆ្លើយតបការរាតត្បាតជំងឺកូវីដ-១៩ ក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌ ក្នុងខេត្តស្ទឹងត្រែង
ខេត្តស្ទឹងត្រែង៖ក្នុងកិច្ចប្រជុំស្តីពីការពិនិត្យមើល និងវិធានការគ្រប់គ្រង និងឆ្លើយតបការរាតត្បាតជំងឺកូវីដ-១៩ ក្នុងខេត្តស្ទឹងត្រែង កាលពីព្រឹក ថ្ងៃចន្ទ ១៣កើត ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៣១ ខែសីហា ឆ្នាំ២០២០ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបាន ធ្វើកាជំរុញដល់ថ្នាក់ដឹកនាំខេត្តស្ទឹងត្រែង គ្រប់លំដាប់ថ្នាក់ តាមមូលដ្ឋាននានានៅក្នុងខេត្តស្ទឹងត្រែង ឲ្យបន្តផ្សព្វផ្សាយសារាចរណែនាំរបស់ក្រសួងធម្មការ និងសាសនា និងសារាណែនាំរបស់ក្រសួងសុខាភិបាលស្តីពីការបង្ការ និងការពារ ការឆ្លងនូវ ជំងឺកូវីដ-១៩ ក្នុងឱកាសពិធីបុណ្យភ្ជុំបិណ្ឌ និងចូលមកដល់នៅប៉ុន្មានថ្ងៃខាងមុននេះ ដល់ប្រជាពលរដ្ឋទូទៅដែលជាពុទ្ធសាសនិកជន និងគណៈកម្មការគ្រប់វត្តអារាម អនុវត្តឱ្យបានខ្ជាប់ខ្ជួននូវវិធានការការពារទប់ស្កាត់កូវីដ-១៩ ដែលក្រសួងសុខាភិបាល បានដាក់ចេញឱ្យអនុវត្តនាពេលកន្លងមក ក៏ដូចជាបច្ចុប្បន្ន ក្នុងពិធីបុណ្យកាន់បិណ្ឌ និងភ្ជុំបិណ្ឌ ឱ្យមានប្រសិទ្ធភាព ដើម្បីចូលរួមទប់ស្កាត់ ការចម្លងចូលក្នុងសហគមន៍។
នាឱកាសនោះឯកឧត្តម ម៉ុម សារឿន អភិបាល នៃគណៈអភិបាលខេត្ត និងជាប្រធានគណៈកម្មការបង្ការនិងទប់ស្កាត់ជំងឺកូវីដ-១៩ខេត្តស្ទឹងត្រែង បានលើកឡើងថា សម្រាប់ខេត្តស្ទឹងត្រែង នៅតែបន្តការយកចិត្តទុកដាក់ក្នុងការផ្សព្វផ្សាយសារាចរណែនាំរបស់ក្រសួងធម្មការ និង សាសនា និងសារាចរណែនាំរបស់ក្រសួងសុខាភិបាល ពិសេសក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌ ដល់ប្រជាពលរដ្ឋ តាមមូលដ្ឋានគ្រប់បណ្តាល ក្រុង ស្រុក ឃុំ សង្កាត់ និងភូមិ ក្នុងខេត្តស្ទឹងត្រែង និងបានរៀបចំដាក់ផែនការស្តីពីវិធានការបង្ការ ទប់ស្កាត់ និងប្រយុទ្ធប្រឆាំង នឹងការចម្លងជំងឺកូវីដ-១៩ ដើម្បីឲ្យមន្រ្តីសុខាភិបាលគ្រប់ថ្នាក់ និងអាជ្ញាធរមូលដ្ឋានអនុវត្តន៍៕
