ជនសង្ស័យ ចំនួន៦នាក់ ត្រូវបានសមត្ថកិច្ចឃាត់ខ្លួនបញ្ជូនទៅតុលាការខេត្តប៉ៃលិន ពាក់ព័ន្ធនឹងលួច និងប្រើប្រាស់គ្រឿងញៀន
ខេត្តប៉ៃលិន៖ជនសង្ស័យចំនួន៦នាក់ ត្រូវបានកម្លាំងជំនាញផ្នែកនគរបាលយុត្តធម៌ នៃអធិការដ្ឋាននគរបាលស្រុកសាលាក្រៅ នាំខ្លួនទៅកាន់ពន្ធនាគារខេត្តប៉ៃលិន កាពីល្ងាច ថ្ងៃព្រហស្បតិ៍ ០២រោច ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៦ ខែសីហា ឆ្នាំ២០២០ តាមដីការបង្គាប់របស់លោក គឹម ម៉េង ចៅក្រមស៊ើបសួរ នៃសាលាដំបូងខេត្តប៉ៃលិន បានសម្រេចឃុំខ្លួនបណ្ដោះអាសន្ន ពាក់ព័ន្ធទៅនឹងករណីលួចដោយមានស្ថានទម្ងន់ទោស និងប្រើប្រាស់ដោយខុសច្បាប់ នូវសារធាតុញៀន ស្ថិតក្នុងភូមិភ្នំស្ពុង ឃុំសាលាក្រៅ ស្រុកសាលាក្រៅ ខេត្តប៉ៃលិន។
ជនសង្ស័យទាំង៦នាក់ដែលត្រូវបញ្ជូនទៅកាន់តុលាការខេត្តរួមមានៈ
ទី១-ឈ្មោះ សៀន កំសត់ ភេទប្រុស អាយុ១៩ឆ្នាំ មុខរបរ មិនពិតប្រាកដ ជនជាតិខ្មែរ ទីលំនៅភូមិតាង៉ែនលើ សង្កាត់ប៉ៃលិន ក្រុងប៉ៃលិន។
ទី២-ឈ្មោះ បៀ រ៉ាទី ភេទស្រី អាយុ២៦ឆ្នាំ មុខរបរមិនពិតប្រាកដ។
ទី៣-ឈ្មោះ សៅ បុណ្យ ភេទប្រុស អាយុ២៩ឆ្នាំ មុខរបរ មិនពិតប្រាកដ។
ទី៤-ឈ្មោះ តង់ ថៃហ្វុង ភេទប្រុស អាយុ១៨ឆ្នាំ មុខរបរ មិនពិតប្រាកដ។
ទី៥-ឈ្មោះ ភឹម ឡង់ឌី ភេទប្រុស អាយុ២៤ ឆ្នាំ មុខរបរមិនពិតប្រាកដ។
ទី៦-ឈ្មោះ រ៉ន សុនីសា ភេទស្រី អាយុ៣៥ ឆ្នាំ មុខរបរ មិនពិតប្រាកដទាំង៥នាក់រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ៕