ឃាត់ខ្លួនក្រុមញៀនល្បែងប្រជល់មាន់ ៤ នាក់ រួមនឹងវត្ថុតាងបញ្ជូនទៅប៉ុស្តឹ៍នគរបាលរដ្ឋបាលផ្សារកណ្ដាល
ខេត្តបន្ទាយមានជ័យ៖នៅរសៀលថ្ងៃទី03 ខែសីហា ឆ្នាំ2020 វេលាម៉ោង២ និង១០ នាទី ដោយអនុវត្តតាមបទបញ្ជារបស់លោវរសេនីយ៍ឯក ធិន សុិនដេត អធិការដ្ឋាននគរបាលក្រុងប៉ោយប៉ែត លោកអនុសេនីយ៍ឯក ប្រិម សុផល មេប៉ុស្តិ៍នគរបាលរដ្ឋបាលផ្សារកណ្ដាលដឹកនាំកម្លាំងចុះប្រតិបត្តិការបង្រ្កាបល្បែងមាន់ជល់ មួយកន្លែងនៅចំណុចភូមិព្រៃគប់ សសង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ការចុះបង្ក្រាបនោះកម្លាំងប៉ុស្តិ៍បានធ្វើការឃាត់ខ្លួនអ្នកញៀនល្បែងប្រជល់មាន់បានចំនួន ០៤ នាក់។
មានឈ្មោះដូចខាងក្រោម: ១.ឈ្មោះ យីវ លីផែន ភេទប្រុស អាយុ ៦៣ ឆ្នាំ រស់នៅភូមិព្រៃគប់ សង្កាត់ផ្សារកណ្តាល ២.ឈ្មោះ ខាត់ មាន ភេទប្រុស អាយុ៥៣ ឆ្នាំ រស់នៅភូមិប្រជាធម្មលិច សង្កាត់ផ្សារកណ្តាល ៣.ឈ្មោះ ឆន ឆេន ភេទប្រុស អាយុ៤០ ឆ្នាំ រស់នៅភូមិព្រៃគប់ សង្កាត់ផ្សារកណ្តាល ៤.ឈ្មោះ វឿន សារ៉ន ភេទប្រុស អអាយុ៥៧ ឆ្នាំ រស់នៅភូមិព្រៃគប់ សសង្កាត់ផ្សារកណ្តាល.និងវត្ថុតាងរួមមាន: មាន់ចំនួន ០៦ ក្បាល ម៉ូតូពីរគ្រឿង កង់បីពីរគ្រឿង បច្ចុប្បន្ន: អ្នកញៀនល្បែងទាំង ៤ នាក់ រួមនិងវត្ថុតាងសមត្ថកិច្ចកំពុងស្នើរសុំយោបល់បន្ត៕
