ជនសង្ស័យ០៦នាក់ ត្រូវកម្លាំងនគរបា លខណ្ឌសែនសុខ ចាប់ឃាត់ខ្លួន ពាក់ពន្ធ័ករណីឆក់កាបូបយួរដៃ
រាជធានីភ្នំពេញ៖បន្ទាប់ពីរត់គេចខ្លួនបាន១ថ្ងៃ ត្រូវកម្លាំងនគរបាលប៉ុស្តិ៍ភ្នំពេញថ្មី សហការជាមួយនិងកម្លាំងនគរបាលព្រហ្មទណ្ឌខណ្ឌសែនសុខ ស្រាវជ្រាវចាប់ឃាត់ខ្លួនជនសង្ស័យបានចំនួន៦នាក់ កាលពីវេលាម៉ោង១៤ ថ្ងៃទី២៦ ខែសីហា ឆ្នាំ២០២០ នៅចំណុចទល់មុខសាលាអន្តរជាតិវេស្ទើន ផ្លូវ១៩៦៦ ភូមិទំនប់ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ពាក់ពន្ធ័ទៅនឹងករណីឆក់កាបូបយួរដៃពីជនរងគ្រោះម្នាក់ឈ្មោះ ហេង ចិន្តា ភេទស្រី អាយុ៣៧ឆ្នាំ ជនជាតិខ្មែរ មុខរបរមេផ្ទះ ស្នាក់នៅផ្ទះលេ៨ ផ្លូវបេតុង ភូមិទំនប់ សង្កាត់ភ្នំពេញថ្មី ខណ្ឌសែនសុខ កាលពីវេលាម៉ោង១៥និង៥៥នាទី ថ្ងៃទី២៥ ខែសីហា ឆ្នាំ២០២០។
សមត្ថកិច្ចបានឲ្យដឹងថា៖ជនសង្ស័យមានគ្នា០៧នាក់ក្នុងនោះ គេចខ្លួន០១នាក់ឈ្មោះ បឿក។ចំណែកជនសង្ស័យទាំង០៦នាក់ដែលឃាត់ខ្លួនបាននោះរួមមានៈ
ទី១-ឈ្មោះ ស្រេង បាលី ភេទប្រុស អាយុ១៨ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ផ្លូវបេតុង ភូមិរោងចក្រ សង្កាត់គោកឃ្លាង ខណ្ឌសែនសុខ (គ្មានសារធាតុញៀន)។
ទី២-ឈ្មោះ មាស ចាន់វីរៈ ភេទប្រុស អាយុ២០ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះសង់ថ្មី ផ្លូវបេតុង ភូមិព្រៃព្រីងខាងត្បូង សង្កាត់ចោមចៅ៣ ខណ្ឌពោធិ៍សែនជ័យ (គ្មានសារធាតុញៀន)។
ទី៣-ឈ្មោះ អៀម ពិសិទ្ធ ភេទប្រុស អាយុ១៥ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះសង់ថ្មី ផ្លូវបេតុង ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ (គ្មានសារធាតុញៀន)។
ទី៤-ឈ្មោះថន ប៊ុនឆាយ ភេទប្រុស អាយុ១៧ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះសង់ថ្មី ផ្លូវបេតុង ភូមិត្រពាំងជើងស្រុក សង្កាត់ក្រាំងធ្នង់ ខណ្ឌសែនសុខ (គ្មានសារធាតុញៀន)។
ទី៥-ឈ្មោះវ៉ាត់ ថារ៉ាត់ ភេទប្រុស អាយុ១៧ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះសង់ថ្មី ផ្លូវបេតុង ភូមិត្រពាំងជើងស្រុក សង្កាត់ក្រាំងធ្នង់ ខណ្ឌសែនសុខ (គ្មានសារធាតុញៀន)និងទី៦-ឈ្មោះ អ៊ុច ម៉េងលី ភេទប្រុស អាយុ១៨ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះសង់ថ្មី ផ្លូវបេតុង ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ (គ្មានសារធាតុញៀន)។
សម្ភារៈបាត់បង់មានដូចជា៖កាបូបយួរដៃ០១ ,ទូររសព្ទ័ដៃ០១គ្រឿងម៉ាកអាយហ្វូន១១ម៉េក , ប្រាក់ដុល្លា១.០០០ដុល្លា និងឯកសារមួយចំនួន។សម្ភារៈបន្សល់ទុកម៉ូតូ០២គ្រឿង (១-ម៉ាកនិច ពណ៌សលាយទឹកក្រូច ផលិតឆ្នាំ២០២០ ពាក់ស្លាកលេខភ្នំពេញ1IH-8261 ,២-ម៉ាកSCOPY ពណ៌ស ផលិតឆ្នាំ២០២០ ពាក់ស្លាកលេខភ្នំពេញ1IH-0363របស់ជនសង្ស័យ)។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
