ចាប់ឃាត់ខ្លួនជនសង្ស័យម្នាក់ ពាក់ព័ន្ធទៅនឹងករណីគ្រឿងញៀន
ខេត្តបាត់ដំបង៖កម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកឯកភ្នំ កាលពីវេលាម៉ោង១២និង០០នាទី ថ្ងៃទី២៤ ខែសីហា ឆ្នាំ២០២០ បានចាប់ឃាត់ខ្លួន ជនសង្ស័យ០១នាក់ពាក់ព័ន្ធទៅនឹងករណី រក្សាទុកនូវសារធាតុញៀនក្នុងបទល្មើសជាក់ស្តែង នៅចំណុចភូមិរហាលសួង ឃុំព្រែកហ្លួង ស្រុកឯកភ្នំ ខេត្តបាត់ដំបង។
លោកវរសេនីយ៍ទោ សុខ និមល ប្រធានការិយាល័យប្រឆាំងគ្រឿងញៀន នៃស្នងការនគរបាលខេត្តបាត់ដំបងបានឲ្យដឹងថា ជនសង្ស័យដែលត្រូវឃាត់ខ្លួនមានឈ្មោះ វ៉ាយ វឿង ភេទប្រុស អាយុ៣៥ឆ្នាំ រស់នៅភូមិរហាលសួង ឃុំព្រែកហ្លួង ស្រុកឯកភ្នំ ខេត្តបាត់ដំបង។
វត្ថុតាងដកហូតបានរួមមានៈថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន០១ថង់ ទម្ងន់ ១,៥៥ក្រាម និងទូរស័ព្ទដៃចំនួន០១គ្រឿងផងដែរ។
ក្រោយពីឃាត់ខ្លួនជនសង្ស័យរួមនឹងវត្ថុតាងខាងលើ ត្រូវបានសមត្ថកិច្ចការិយាល័យប្រឆាំងគ្រឿងញៀន កសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធី៕
