ជនសង័្សយ២នាក់ ត្រូវបានសមត្ថកិច្ចចាប់ឃាត់ខ្លួន ពាក់ពន្ធ័ទៅនឹងអំពើហិង្សា នៅក្រុងបាត់ដំបង
ខេត្តបាត់ដំបង៖ដោយអនុវត្តតាមបទបញ្ជារបស់លោកឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ទោ លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ទោ ឈឿង គឹមសុង នាយការិយាល័យនគរបាលព្រហ្មទ័ណ្ឌកំរិតស្រាលនៃស្នងការដ្ឋាន បានដឹកនាំក្រុមអន្តរាគមន៍បង្ការបង្ក្រាប បានចុះប្រតិបត្តិការបង្ក្រាប និងឃាត់ខ្លួនជនសង័្សយបានចំនួន០២នាក់ កាលពីវេលាម៉ោង២៣និង៣៥នាទីយប់ ថ្ងៃទី១៨ ខែសីហា ឆ្នាំ២០២០ នៅចំណុចមុខស្ថានីយប្រេងឥន្ធនៈតូតាល់ ស្ថិតក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ពាក់ពន្ធ័ករណីហិង្សាដោយចេតនាមានស្ថានទម្ងន់ទោស និងធ្វើអោយខូចខាតដោយចេតនា(គប់ដុំថ្ម )។
សមត្ថកិច្ចបានឲ្យដឹងថា ជនសង្ស័យមានឈ្មោះ ណាក ប្រុសប៉ាវ ភេទប្រុស អាយុ២១ឆ្នាំ មានទីលំនៅភូមិចំការសំរោង១ សង្កាត់ចំការសំរោង ក្រុងបាត់ដំបង ខេត្តបាត់ដំបង(ជាអ្នកធ្វើសកម្មភាព) និងឈ្មោះ បេន សំបាន ភេទប្រុស អាយុ២១ឆ្នាំ មានទីលំនៅភូមិចំការសំរោង១ សង្កាត់ចំការសំរោង ក្រុងបាត់ដំបង ខេត្តបាត់ដំបង(ជាអ្នកចូលរួម)។
ជនសង័្សយទាំង០២នាក់ខាងលើបានធ្វើសកម្មភាពគប់ដុំថ្ម និងបានប្រើប្រាស់ដាវកាប់បំផ្លាញលើម៉ូតូមួយគ្រឿងម៉ាកហុងដាឌ្រីម សេ១២៥ ពណ៌ស ស៊េរីឆ្នាំ ២០២០ ពាក់ស្លាកលេខ បាត់ដំបង 1AC 1203 ទៅលើជនរងគ្រោះចំនួន០២នាក់ ឈ្មោះ រឿម សីលិន ហៅ សី ភេទប្រុស អាយុ២៥ឆ្នាំ មានទីលំនៅភូមិព្រែកព្រះស្តេច សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង និងឈ្មោះ សើរ សារឿត ហៅជោ ភេទប្រុស អាយុ២១ឆ្នាំ មានទីលំនៅភូមិចំការសំរោង១ សង្កាត់ចំការសំរោង ក្រុងបាត់ដំបង ខេត្តបាត់ដំបង។
វត្ថុតាងដកហូតបានមាន៖កាំបិតកែច្នៃ ០១ដើម មានប្រវែង០,៥៥ម៉ែត្រ។ក្រោយធ្វើការសាកសួរស្រាវជ្រាវការិយាល័យជំនាញបានរៀបចំសំណុំរឿង បញ្ជូនទៅសាលាដំបូងខេត្តបាត់ដំបង ដើម្បីចាត់ការបន្តតាមនីតិវិធី៕
