ជនសង្ស័យ២នាក់ ដែលជាប់ពាក់ពន្ធ័ករណីគ្រឿងញៀនត្រូវបានកម្លាំងនគរបាលស្រុកមុខកំពូល ចាប់ឃាត់ខ្លួន
ខេត្តកណ្តាល៖ជនសង្ស័យ២នាក់ ត្រូវបានកម្លាំងប៉ុស្តិ៍ព្រែកអញ្ចាញ សហការជាមួយកម្លាំងជំនាញប្រឆាំងគ្រឿងញៀន នៃអធិការដ្ឋាននគរបាលស្រុកមុខកំពូល ចាប់ឃាត់ខ្លួន ពាក់ពន្ធ័ករណីរក្សាទុក និងប្រើប្រាស់ដោយខុសច្បាប់នូវសារធាតុញៀន ចំណុច នៅចំណុចភូមិព្រែកថ្មី ឃុំព្រែកអញ្ចាញ ស្រុកមុខកំពូល ខេត្តកណ្ដាល កាលពីវេលាម៉ោង២១និង៣០នាទីយប់ ថ្ងៃទី១៨ ខែសីហា ឆ្នាំ២០២០ ខណៈដែលកំពុងតែប្រើប្រាស់គ្រឿងញៀន។
ជនសង្ស័យទាំង២នាក់ដែលត្រូវឃាត់ខ្លួននោះមានឈ្មោះ ផាន ធារ៉ា ភេទប្រុស អាយុ២៦ឆ្នាំមុខរបរកសិករ ទីលំនៅបច្ចុប្បន្នភូមិព្រែកថ្មី ឃុំព្រែកអញ្ចាញ ស្រុកមុខកំពូល ខេត្តកណ្ដាល និងឈ្មោះ ប៉ូ លាងហាក់ ភេទប្រុស អាយុ៣៥ឆ្នាំ មុខរបរមិនពិតប្រាកដ ទីលំនៅបច្ចុប្បន្នភូមិឈើទាល ឃុំស្វាយរមៀត ស្រុកខ្សាច់កណ្ដាល ខេត្តកណ្ដាល។
វត្ថុតាងដកហូតបានរួមមាន ៖ម្សៅក្រាមពណ៌សថ្លាសង្ស័យជាសារធាតុញៀន(ម៉ាទឹកកក)ចំនួន០១កញ្ចប់តូច សំភារៈសម្រាប់បើប្រាស់គ្រឿងញៀនមួយចំនួន។
នៅចំពោះមុខសមត្ថកិច្ចជនសង្ស័យឈ្មោះផាន ធារ៉ា បានសារភាពថា គ្រឿងញៀនចំនួន០១កញ្ចប់តូច ខ្លួនរើសបាននៅក្នុងរោងក្បែរស្រះចិញ្ចឹមត្រី ភូមិព្រែកថ្មី ឃុំព្រែកអញ្ចាញ ស្រុកមុខកំពូល ខេត្តកណ្ដាល។
ក្រោយពីឃាត់ខ្លួនជនសង្ស័យទាំង២នាក់ រួមនឹងវត្ថុតាង ត្រូវបានយកមកអធិការដ្ឋាននគរបាលស្រុកមុខកំពូល កសាងសំណុំរឿង ដើម្បីចាត់ការចាត់ការតាមនីតិវិធី៕