សម្តេចពិជ័យសេនា ទៀ បាញ់ អញ្ជើញជួបសំណេះសំណាល និងទស្សនាកម្មវិធីនានា នៃសម្រាកសៀមរាប
ខេត្តសៀមរាប៖សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ អមដំណើរដោយឯកឧត្តម ទៀ សីហា អភិបាល នៃគណៈអភិបាលខេត្តនិងលោកជំទាវ កាលពីយប់ថ្ងៃទី១៧ ខែសីហា ឆ្នាំ២០២០ អញ្ជើញជួបសំណេះសំណាល និងទស្សនាកម្មវិធីនានា នៃសម្រាកសៀមរាប នៅតាមតំបន់នីមួយៗ។
ជាមួយគ្នានោះដែរ សម្តេចបានជម្រាបដល់បងប្អូនទាំងអស់ ចូលរួមសហការជាមួយក្រុមការងារ ដែលបានរៀបចំនៅតាមកន្លែងនីមួយៗ ដោយវាស់កំដៅ លាងដៃនឹងសាប៊ូ ជែល និងអាកុលដែលក្រុមការងារបានរៀបចំ ជាពិសេស ចូលរួមអនុវត្តតាមគោលការណែនាំរបស់ក្រសួងសុខាភិបាល និងសូមកុំភ្លេច និងត្រូវចងចាំនូវ០៣ចំណុច ដើម្បីការពារ និងចូលរួមទប់ស្កាត់ជំងឺកូវីដ១៩ ដែលមានដូចខាងក្រោម៖
១.កុំភ្លេច ត្រៀមម៉ាស់ ឬក្រម៉ា
២.កុំភ្លេច ជែល ឬអាល់កុលលាងដៃ (យើងបានត្រៀម សាប៊ូលាងដៃជូននៅតាមទីសាធារណផងដែរ)
៣.កុំភ្លេច រក្សាគម្លាតសុវត្ថិភាពសង្គម (ចូលរួមការពារការរាលត្បាតនៃជំងឺកូវីដ-១៩)៕