នគរបាលខេត្តបាត់ដំបង ចាប់ឃាត់ខ្លួនជនសង្ស័យ ចំនួន០៣នាក់ ពាក់ពន្ធ័ករណី លួច
ខេត្តបាត់ដំបង៖ដោយអនុវត្តន៍តាមបញ្ជារបស់លោកឧត្ដមសេនីយ៍ទោ អ៊ុច សុខុន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជាលោកវរសេនីយ៍ទោ លឹម ពុទ្ធីឡា ស្នងការរងផែនការងារនគរបាលព្រហ្មទណ្ឌ លោកវរសេនីយ៍ទោ ប៉ូវ វណ្ណឌី ស្នងការរង ជំនួយការការងារព្រហ្មទណ្ឌ និងមានការសម្របសម្រួលនីតិវិធីពីលោក គឺ ប៊ុណ្ណារ៉ា ព្រះរាជអាជ្ញានៃអយ្យការអមសាលាដំបូងខេត្តបាត់ដំបង នៅថ្ងៃទី១៦ ខែសីហា ឆ្នាំ២០២០ លោក វរសេនីយ៍ទោ ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍ បង្ការ បង្ក្រាប សហការជាមួយកម្លាំងនគរបាលព្រហ្មទណ្ឌកម្រិតធ្ងន់ ចុះប្រត្តិបត្តិការបង្ក្រាបករណីអំពើលួច(យកម៉ូតូ នឹងទ្រព្យសម្បត្តិ) ០១ករណី ដោយឃាត់ខ្លួនជនសង្ស័យបានចំនួន០៣នាក់ នៅចំណុចបន្ទប់ជួល ស្ថិតក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។
ជនសង្ស័យទាំង៣នាក់ដែលត្រូវឃាត់ខ្លួបបាននោះរួមមាន៖
១-ឈ្មោះ លី រ៉នី ភេទប្រុស អាយុ២៨ឆ្នាំ មានទីលំនៅមិនពិតប្រាកដ ។
២-ឈ្មោះ សុវណ្ណ តុលា ភេទប្រុស អាយុ២៦ឆ្នាំ មានទីលំនៅភូមិនរា២ ឃុំនរា ស្រុកសង្កែ ខេត្តបាត់ដំបង។
៣-ឈ្មោះ វឿត សូរិយា ហៅ តូយ៉ា ភេទប្រុស អាយុ២៨ឆ្នាំ មានទីលំនៅភូមិនរា២ ឃុំនរា ស្រុកសង្កែ ខេត្តបាត់ដំបង។
បើតាមសមត្ថកិច្ចបានឲ្យដឹងថា ជនសង្ស័យខាងលើបានធ្វើសកម្មភាព លួចយកម៉ូតូរបស់ជនរងគ្រោះ ឈ្មោះ បេង ចាន់ទី ភេទស្រី អាយុ២០ឆ្នាំ មានទីលំនៅភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបង កាលពីថ្ងៃទី១៥ ខែសីហា ឆ្នាំ២០២០។
ចំណែកជនសង្ស័យ ឈ្មោះ លី រ៉នី បានធ្វើសកម្មភាពកាត់សោរទ្វារផ្ទះ ចូលយកទ្រព្យសម្បត្តិ (គ្រែ) តែម្នាក់ឯងដែលជារបស់ជនរងគ្រោះឈ្មោះ ហែ រតនៈ ភេទប្រុស អាយុ៣០ឆ្នាំ នៅចំណុចភូមិរំចេក១ សង្កាត់រតនៈ ក្រុងបាត់ដំបង ខេត្តបាត់ដំបង។
វត្ថុតាងដកហូតរួមមាន៖ម៉ូតូម៉ាកហុងដាស្កុបពី ពណ៌ ស ស៊េរីឆ្នាំ ២០២០ លេខតួ8158831 លេខម៉ាស៊ីន8158831 ពាក់ស្លាកលេខបាត់ដំបង 1AH-7255 ( ជាម៉ូតូរបស់ជនរងគ្រោះ),គ្រែចំនួន ០២,តុ បេងចំនួន០១។
ក្រោយពីឃាត់ខ្លួនកម្លាំងការិយាល័យជំនាញបានធ្វើការកសាងសំណុំរឿង បញ្ជូនទៅសាលាដំបូងខេត្តបាត់ដំបង ដើម្បីចាត់ការបន្តតាមនីតិវិធី៕