ជនសង័្សយចំនួន០២នាក់ ដែលជាប់ពាក់ពន្ឋ័ករណីគ្រឿងញៀន ត្រូវបានកម្លាំងនគរបាលក្រុងបាត់ដំបងចាប់ឃាត់ខ្លួន
ខេត្តបាត់ដំបង៖ដោយអនុវត្តតាមបទបញ្ជារបស់លោកឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង និងតាមការណែនាំជំនាញពីលោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀននៃស្នងការដ្ឋាន កាលពីថ្ងៃសុក្រ ១១កើត ខែស្រាពណ៍ ឆ្នាំជូតទោស័ក ព.ស.២៥៦៤ ត្រូវនឹងថ្ងៃទី៣១ ខែកក្កដា ឆ្នាំ២០២០ លោកវរសេនីយ៍ឯក ឆាង វណ្ណឆៃ អធិការនគរបាលក្រុងបាត់ដំបង បានដឹកនាំកម្លាំងផ្នែកជំនាញគ្រឿងញៀន នៃអធិការដ្ឋានធ្វើការបង្ក្រាបករណីរក្សាទុក ដឹកជញ្ជូនឬជួញដូរដោយខុសច្បាប់នូវសារធាញៀនបានមួយករណីនៅក្នុងមូលដ្ឋានក្រុមទី០៧ ស្ថិតនៅភូមិដំណាក់ហ្លួង សង្កាត់វត្តគរ ក្រុងបាត់ដំបង ខេត្តបាត់ដំបង ដោយធ្វើការឃាត់ខ្លួនជនសង័្សយបានចំនួន០២នាក់គឺ៖
ទី១-ឈ្មោះ រុំ ប៊ុនរិទ្ធ ហៅ រ៉ាក់ញ៉ាញ់ ភេទប្រុស អាយុ ៣៥ ឆ្នាំ មានទីលំនៅភូមិព្រែកព្រះស្តេច សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង ។
២-ឈ្មោះ ស៊ូ តាំ ភេទប្រុសអាយុ ៦០ឆ្នាំ រស់នៅភូមិវត្តគរ សង្កាត់វត្តគរ ក្រុងបាត់ដំបង ខេត្តបាត់ដំបង។
វត្ថុតាងដកហូតបានរួមមាន៖
១-ថ្នាំញៀនប្រភេទមេតំហ្វេតាមីន ម៉ាទឹកកក ICE ទម្ងន់ចំនួន២៨ថង់ ទម្ងន់៣៨,៤៨ក្រាម
២-ម៉ូតូចំនួន០១គ្រឿង
៣-ទូរស័ព្ទដៃចំនួន០៣គ្រឿង
៤-កាបូបចំនួន០២។
បច្ចុប្បន្នជនសង័្សយ និងវត្ថុតាងនគរបាលក្រុងបាត់ដំបង បានកសាងសំណុំរឿង បញ្ជូនទៅការិយាល័យជំនាញ ដើម្បីចាត់ការបន្តតាមនិតិវិធី៕
![]()
![]()
![]()