កម្លាំងនគរបាលស្រុកថ្ពង ចាប់ឃាត់ខ្លួន ជនសង្ស័យចំនួន៣នាក់ ពាក់ពន្ធ័ករណីជួញដូរ ចែកចាយ និងប្រើប្រាស់ នូវសារធាតុញៀនខុសច្បាប់
ខេត្តកំពង់ស្ពឺ៖ជនសង្ស័យចំនួន៣នាក់ ដែលជាប់ពាក់ពន្ធ័ករណីជួញដូរ ចែកចាយ និងប្រើប្រាស់នូវសារធាតុញៀនខុសច្បាប់ ត្រូវបានកកម្លាំងអធិការដ្ឋាននគរបាលស្រុកថ្ពង ចាប់ឃាត់ខ្លួនកាលពីវេលាម៉ោង១៦និង៣០នាទី ថ្ងៃទី០១ ខែកក្ដដា ឆ្នាំ២០២០ នៅចំណុចភូមិស្យា ឃុំវាលពន់ ស្រុកថ្ពង ខេត្តកំពង់ស្ពឺ។
សមត្ថកិច្ចបានឲ្យដឹងថា ជនសង្ស័យទាំង០៣នាក់រួមមានៈ
ទី១-ឈ្មោះ កែវ សុកគ្រីស ភេទប្រុស អាយុ១៩ឆ្នាំ រស់នៅភូមិព្រៃមិច ឃុំវាលពន់ ស្រុកថ្ពង ខេត្តកំពង់ស្ពឺ
ទី២-ឈ្មោះ ហ៊ន ធា ភេទប្រុស អាយុ៣៥ឆ្នាំ នៅភូមិជាមួយគ្នា
ទី៣-ឈ្មោះ ឯម ជា ភេទប្រុស អាយុ៣១ឆ្នាំ នៅភូមិស្យា ឃុំវាលពន់ ស្រុកថ្ពង ខេត្តកំពង់ស្ពឺ ។
វត្ថុតាងដកហូតបានរួមមានៈ
ម្សៅក្រាមពណ៌ស សង្ស័យជាគ្រឿងញៀន០១កញ្ចប់មធ្យម,ទូរស័ព្ទដៃអិនចុចពិលចំនួន០៣គ្រឿង ។
នៅថ្ងៃដដែល វេលាម៉ោង១៧និង៣០នាទី កម្លាំងបានឃាត់ខ្លួនជនសង្ស័យ០១នាក់ទៀត ឈ្មោះ ស៊ន រ៉េម ហៅស៊ន រ៉េន ភេទប្រុស អាយុ៤១ឆ្នាំ នៅភូមិព្រៃមិច ឃុំវាលពន់ ស្រុកថ្ពង ខេត្តកំពង់ស្ពឺ តាមដីការបង្គាប់ឲ្យចាប់ខ្លួន របស់លោក ថៃ គឹមមុន្នី ចៅក្រមស៊ើបសួរសាលាដំបូងខេត្តកំពង់ស្ពឺ លេខ ៨៩ ចុះថ្ងៃទី១៩ ខែមីនា ឆ្នាំ២០២០ពីបទរក្សាទុក ឬជួញដូរដោយខុសច្បាប់នូវសារធាតុញៀន និងប្រើប្រាស់ដោយខុសច្បាប់នូវសារធាតុញៀន ប្រព្រឹត្តទៅនៅភូមិក្រាំងក្ដី ឃុំយុទ្ធសាមគ្គី ស្រុកឧដុង្គ ខេត្តកំពង់ស្ពឺ កាលពីអំឡុងឆ្នាំ២០១៤ ដល់ថ្ងៃទី២៥ ខែធ្នូ ឆ្នាំ២០១៩។
បច្ចុប្បន្នជំនាញកំពុងកសាងសំណុំរឿង ដើម្បីចាត់ការតាមនីតិវិធី៕
