ជនសង្ស័យ១នាក់ ពាក់ព័ន្ធករណីជួញដូរសារធាតុញៀនខុសច្បាប់ ត្រូវបាននគរបាលស្រុកសំរោងទង ចាប់ឃាត់ខ្លួន
ខេត្តកំពង់ស្ពឺ៖ជនសង្ស័យម្នាក់ឈ្មោះ ម៉ិច ពិសី ភេទប្រុស អាយុ២៨ឆ្នាំ រស់នៅភូមិបង្កើយ ឃុំសំបូរ ស្រុកសំរោងទង ខេត្តកំពង់ស្ពឺ ត្រូវបានកម្លាំងនគរបាលស្រុកសំរោងទង ចាប់ឃាត់ខ្លួន ពាក់ពន្ធ័ករណីជួញដូរគ្រឿងញៀន។
ការចាប់ឃាត់ខ្លួននេះបានធ្វើឡើង ខណៈដែលកម្លាំងនគរបាល នៃផ្នែកប្រឆាំងគ្រឿងញៀន ស្រុកសំរោងទង ចេញល្បាតវេលាម៉ោងជាង១២ ថ្ងៃទី០១ ខែកក្កដា ឆ្នាំ២០២០ ក៏បានប្រទះឃើញមុខសញ្ញាជនសង្ស័យជួញដូរសារធាតុញៀន នៅចំណុចខាងជើងភូមិតាពរ ឃុំសំបូរ ស្រុកសំរោងទង ខេត្តកំពង់ស្ពឺ ក៏បានធ្វើការឃាត់ខ្លួន។
ក្រោយឃាត់ខ្លួន សមត្ថកិច្ចធ្វើការដកហូតបាននូវម្សៅជាសារធាតុញៀនចំនួន០៣កញ្ចប់"ធំ១កញ្ចប់ មធ្យម២កញ្ចប់",ម៉ូតូ០១គ្រឿង,ជញ្ជីងថ្លឹង១,ទូរស័ព្ទដៃ០១ និងថងសំរាប់ច្រកគឿងញៀនមួយចំនួន។
បច្ចុប្បន្នសមត្ថកិច្ចនគរបាលស្រុក បានកសាងសំណុំរឿងបញ្ជូនមកការិយាល័យជំនាញខេត្ត ដើម្បីចំណាត់ការបន្តតាមនីតិវិធី៕
