កម្លាំងនគរបាលប៉ុស្តិ៍រដ្ឋបាលឃ្មួញ ចុះបង្ក្រាបបទល្មើសគ្រឿងញៀនមួយកន្លែង ដោយឃាត់ខ្លួនជនសង្ស័យបានចំនួន២នាក់
រាជធានីភ្នំពេញ៖កាលពីវេលាម៉ោង១២ថ្ងៃត្រង់ ថ្ងៃទី១៣ ខែកក្កដា ឆ្នាំ២០២០ កម្លាំងនគរបាលប៉ុស្តិ៍រដ្ឋបាលឃ្មួញ បានចុះប្រតិបត្តិការណ៍បង្ក្រាបបទល្មើសគ្រឿងញៀនមួយកន្លែង ដោយឃាត់ខ្លួនជនសង្ស័យចានចំនួន២នាក់ នៅចំណុចក្នុងបន្ទប់ជួល ផ្លូវលំ ស្ថិតនៅក្នុងភូមិសំរោង សង្កាត់ឃ្មួញ ខណ្ឌសែនសុខ រាជធានីភ្នំពេញ។
សមត្ថកិច្ចបានឲ្យដឹងថា ជនសង្ស័យទាំង២នាក់ ដែលត្រូវឃាត់ខ្លួននោះមានឈ្មោះ ឆន ស្រី មុំ អាយុ៣០ឆ្នាំ មុខរបរមិនពិតប្រាកដ ស្នាក់នៅបន្ទប់ជួលខាងលើ និងឈ្មោះ ម៉ា ប៉ូរ៉ា ភេទប្រុសអាយុ១៨ឆ្នាំ មុខរបរមិនពិតប្រាកដ ស្នាក់នៅក្នុងបន្ទជួលជាមួយគ្នា។
លោកញាណ នន នាយនគរបាលប៉ុស្តិ៍ឃ្មួញបានឲ្យដឹងថា មុននិងឃាត់ខ្លួនជនសង្ស័យទាំង២នាក់ខាងលើ គឺលោកបានដឹកនាំកម្លាំងចុះធ្វើល្បាតក្នុងមូលដ្ឋាន ដោយមានការសង្ស័យក៏សុំគោលការលោកអធិការដើម្បីចូលឆែកឆេក្នុងបន្ទប់ជួលនោះ ទើបរកឃើញថ្នាំញៀ១កញ្ចប់ នៅក្នុងហោរប៉ាវ របស់ឈ្មោះ ឆន ស្រី មុំ ទើបឃាត់ខ្លួនពួកគេតែម្តង។
ក្រោយមកសមត្ថកិច្ចបានធ្វើតេស្តក្នុងទឹកនោម ជាលទ្ធផលរកឃើញថា ពួកគេមានផ្ទុកនូវសារធាតុញៀនទាំងពីនាក់។
បច្ចុប្បន្នជនសង្ស័យទាំង២នាក់កំពុងឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីចាត់ការបន្តតាមនីតិវិធី៕
