ជនសង្ស័យចំនួន៥នាក់ ពាក់ពន្ធ័ករណីជួញដូរ និងចែកចាយគ្រឿងញៀន
ខេត្តកំពត៖មុខសញ្ញាជួញដូរ និងចែកចាយគ្រឿងញៀនយ៉ាងសកម្មចំនួន៥នាក់ ត្រូវបានកម្លាំងជំនាញចុះបង្ក្រាបបានកាលពីវេលាម៉ោង១៩យប់នៅថ្ងៃចន្ទ ១១កើត ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០១ ខែមិថុនា ឆ្នាំ២០២០ ស្ថិតនៅភូមិត្រពាំងក្តុល ឃុំត្រពាំសាលាខាងលិច ស្រុកបន្ទាយមាស ខេត្តកំពត។
សមត្ថកិច្ចបានឲ្យដឹងថា ជនសង្ស័យទាំង៥នាក់ដែលត្រូវឃាត់ខ្លួនបានរួមមាន៖
១.ឈ្មោះ យ៉ែម ហ៊ីម ភេទប្រុស អាយុ៣៩ឆ្នាំ
២.ឈ្មោះ ភិន ណារ៉ាន ភេទប្រុស អាយុ៣០ឆ្នាំ អ្នកទាំងពីររស់នៅភូមិត្រពាំងក្តុល ឃុំត្រពាំងសាលាខាងលិច ស្រុកបន្ទាយមាស។
៣.ឈ្មោះ ឆាន ណា ភេទប្រុស អាយុ២២ឆ្នាំ រស់នៅភូមិត្រពាំងខ្ចៅ ឃុំរាមអណ្តើក ស្រុកគិរីវង្ស ខេត្តតាកែវ។
៤.ឈ្មោះ ជិន ជ័យ ភេទប្រុស អាយុ១៨ ឆ្នាំ រស់នៅភូមិព្រៃជើង ឃុំព្រេច ស្រុកគិរីវង្ស ខេត្តតាកែវ ។
៥.ឈ្មោះ ហេង សុខវាសនា (ហៅ ហុង) ភេទប្រុស អាយុ២៥ ឆ្នាំ រស់នៅភូមិទូកមាស ឃុំទូកមាសខាងលិច ស្រុកបន្ទាយមាស។
វត្ថុតាងដកហូតបានរួមមាន៖ថ្នាំញៀនចំនួន១២កញ្ចប់ (ធំ០៣កញ្ចប់)។ក្រោយពីឃាត់ខ្លួនសមត្ថកិច្ចធ្វើការសាកសួរ និងកសាងសំណុំរឿងដើម្បីអនុវត្តតាមនីតិវិធី៕
