ឃាត់ខ្លួនកូនតិរិច្ឆានគំរាម និងទាញកាំបិទខ្វេវកាប់ម្ដាយ និងបងស្រី
ខេត្តកណ្ដាល៖បន្ទាប់ពីទទួលបានពាក្យបណ្តឹង ពីជនរងគ្រោះជាបងស្រីនិងម្តាយថា កូនប្រុសញៀនថ្នាំបានស្រែកគំរាម និងទាញកាំបិទខ្វេវកាប់ម្ដាយ និងបងស្រី ព្រមទាំងបំផ្លាញទ្រព្យនៅក្នុងផ្ទះ មានការភ័យខ្លាចរហូតម្ដាយរត់ចេញពីផ្ទះ បងស្រីរត់ទៅប្ដឹងសមត្ថកិច្ច កាលពីថ្ងៃទីថ្ងៃទី១៧ ខែមិថុនា ឆ្នាំ២០២០ កម្លាំងប៉ុស្តិ៍ព្រែកតាមាក់ បានចុះឃាត់ខ្លួនជនសង្ស័យបាននៅភូមិស្វាយអាត់ក្រោម ឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាល។
សមត្ថកិច្ចបានឱ្យដឹងថា ជនសង្ស័យមានឈ្មោះ ហេង ខួច អាយុ២៦ឆ្នាំ មុខរបរកសិករ។ចំណែកជនរងគ្រោះមានឈ្មោះ សយ យ៉ន ភេទស្រី អាយុ៥២ឆ្នាំ មុខរបរកោសខ្យល់ ត្រូវជាម្តាយ និងឈ្មោះ ហេង ទៀង ភេទស្រី អាយុ២៨ឆ្នាំ មុខរបរកសិករ ត្រូវជាបងបង្កើត អ្នកទាំងអស់គ្នាមានទីលំនៅភូមិ ឃុំកើតហេតុខាងលើ។
សមត្ថកិច្ចបញ្ចាក់ថា កន្លងមកជនសង្ស័យធ្លាប់ប្រើប្រាស់គ្រឿងញៀនម៉ាទឹកកក ហើយឧស្សាប្រើអំពើហិង្សាមកលើម្តាយ និងបងស្រីរបស់ខ្លួន លុះមកដល់ល្ងាចថ្ងៃទី១៦ ខែមិថុនា ឆ្នាំ២០២០ ជនសង្ស័យបានសុំលុយពីម្តាយចំនួន៤០ដុល្លារ ដើម្បីយកទៅធ្វើរ៉ឺម៉ក តែម្តាយមានលុយតែ១០ម៉ឺនរៀលឲ្យទៅជនសង្ស័យ នៅពេលបានលុយជនសង្ស័យក៏យកទៅទិញថ្នាំញៀនប្រើប្រាស់ ហើយបានយកកាំបិតខ្វែវគំរាមដេញកាប់ម្តាយ ជាហេតុធ្វើឲ្យម្តាយមានការភ័យខ្លាច ក៏រត់ទៅនៅជាមួយកូនឯភ្នំពេញ បន្ទាប់មកជនសង្ស័យ បានធ្វើសកម្មភាពវាយបំផ្លាញចានឆ្នាំង និងកាប់សសរផ្ទះតែម្តង។
លុះដល់ថ្ងៃទី១៧ ខែមិថុនា ឆ្នាំ២០២០ ជនសង្ស័យផឹកស្រាស្រវឹង បានវាយចានឆ្នាំងថែមទៀត និងបានគំរាមទៅលើបងស្រីខ្លួនឈ្មោះ ហេង ទៀង ថាង៉ែងបើចេញពីផ្ទះកុំចូលប្រយ័ត្ឋមានរឿងធំ ជនរងគ្រោះជាបងមានការភ័យខ្លាច ក៏ទៅដាក់ពាក្យបណ្តឹងនៅប៉ុស្តិ៍ព្រែកតាមាក់ ដើម្បីចុះអន្តរាគមន៍ និងឃាត់ខ្លួនយកមកចាត់ការតាមនីតិវិធី៕
