មនុស្សប្រុស-ស្រី០៧នាក់ របួសធ្ងន់.ស្រាល ក្នុងករណីគ្រោះថ្នាក់ចរាចរណ៍ រវាងរថយន្តដឹកដី ម៉ាកហ៊ីយ៉ាន់បុកម៉ូតូ០២គ្រឿង រួចជ្រុលទៅបុកពីក្រោយរថយន្ត០១គ្រឿងទៀត
ខេត្តកំពង់ធំ៖យ៉ាងហោចណាស់មានមនុស្សប្រុស-ស្រីចំនួន០៧នាក់ របួសធ្ងន់ ស្រាលដឹកបញ្ជួនទៅសង្គ្រោះនៅឯមន្ទីពេទ្យ ដោយសារជួបគ្រោះថ្នាក់ចរាចរណ៍ កាលពីវេលាម៉ោង១៦ និង៤០នាទី ថ្ងៃអង្គារ ១១រោច ខែជេស្ឋ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១៦ ខែមិថុនា ឆ្នាំ២០២០ នៅលើកំណាត់ផ្លូវជាតិលេខ៦ ចន្លោះគីឡូម៉ែត្រ២០៣-២០៤ ស្ថិតនៅក្នុងភូមិជីអាប់ ឃុំចំណាក្រោម ស្រុកស្ទោង ខេត្តកំពង់ធំ រវាងរថយន្តដឹកដីម៉ាកហ៊ីយ៉ាន់បុកម៉ូតូចំនួន០២គ្រឿង រួចជ្រុលទៅបុកពីក្រោយរថយន្ត០១គ្រឿងទៀត ដែលកំពុងបើកបរក្នុងទិសដៅស្របគ្នា ពីត្បូងទៅជើង។
បើតាមប្រភពព័ត៌មានបានឲ្យដឹងថា រថយន្តបង្កម៉ាកហ៊ីយាន់ដាយ ពណ៌ស ពាក់ស្លាកលេខកំពង់ចាម 3A -8465 អ្នកបើកបរដោយឈ្មោះ រ៉ា ភេទប្រុស ទីលំនៅក្តាប់ពុំបានរត់គេចខ្លួនបាត់។
ចំណែកបុកម៉ូតូ០២គ្រឿង
១/-ម៉ូតូម៉ាក ហុងដា C125 ពណ៌ខ្មៅ ពាក់ស្លាកលេខ កំពង់ធំ 1H-0192 បើកបរដោយឈ្មោះ ឃាង សុភ័ក្រ ភេទស្រី អាយុ១៨ឆ្នាំ នៅភូមិក្អិន ឃុំចំណាលើ ស្រុកស្ទោង ខេត្តកំពង់ធំ មុខរបរ-កសិករ( របួសស្រាល)អត់ពាក់មួកសុវត្ថិភាព។អ្នករួមដំណើរជាមួយឈ្មោះ ឃាង សុឃាម ភេទស្រី អាយុ១៤ឆ្នាំ មានទីលំនៅជាមួយគ្នាមុខរបរ សិស្ស( របួសស្រាល) អត់ពាក់មួកសុវត្ថិភាព។
២/-ម៉ូតូម៉ាក វ៉េវ ពណ៌ក្រហម គ្មានស្លាកលេខ អ្នកបើកបរឈ្មោះ សាន់ ស៊ីថន ភេទស្រី អាយុ៣២ឆ្នាំ នៅភូមិក្រសាំង(ខ )ឃុំសាន់គរ ស្រុកកំពង់ស្វាយ ខេត្តកំពង់ធំមុខរបរ-កសិករ( របួសស្រាល) អត់ពាក់មួកសុវត្ថិភាព។អ្នករួមដំណើរជាមួយមានឈ្មោះ សឿន សា ភេទស្រី អាយុ១៤ឆ្នាំ មុខរបរ-សិស្ស(របួសធ្ងន់)អត់ពាក់មួកសុវត្ថិភាព និងឈ្មោះ សឿន យ៉ា ភេទប្រុស អាយុ១១ឆ្នាំ មុខរបរ-សិស្ស (របួសធ្ងន់) នៅភូមិ/ឃុំជាមួយគ្នា។
បុកពីក្រោយរថយន្ត០១ទៀត ម៉ាកលីវ៉ូរ៉ូ ពណ៍ស ពាក់ស្លាកលេខ កំពង់ធំ 2A -2354 បើកបរដោយឈ្មោះ ហ៊ត លីន ភេទប្រុស ភេទប្រុស៣២ឆ្នាំ នៅភូមិស្ពានគ្រង ឃុំចំណាក្រោម ស្រុកស្ទោង ខេត្តកំពង់ធំ គ្មានរបួស និងអ្នករួមដំណើរជាមួយឈ្មោះ ហ៊ត ប៊ុនលី ភេទប្រុស អាយុ២៨ឆ្នាំ រស់នៅភូមិ/ឃុំជាមួយគ្នា (របួសធ្ងន់)។
ករណីគ្រោះថ្នាក់ចរាចរណ៍នេះសមត្ថកិច្ចជំនាញបានបញ្ជាក់ថា៖ មូលហេតុបឋមបង្កឡើងដោយអ្នកបើកបររថយន្តម៉ាកហ៊ីយាន់ដាយបែនដឹកដី បើកបរមានល្បឿនលឿនខ្ជីខ្ជារខ្វះការប្រុងប្រយ័ត្ន។ក្រោយកើតហេតុសមត្ថកិច្ចបានចុះវាស់វែងនៅទីកន្លែងកើតហេតុ ធ្វើកំណត់ហេតុប្រមូលវត្ថុតាង យកទៅរក្សាទុកនៅអធិការដ្ឋាននគរបាលស្រុស្ទោង ចំណែកឯអ្នករបួស ត្រូវបានដឹកទៅសង្រោះនៅមន្ទីរពេទ្យបង្អែកស្រុកស្ទោង។
ចំពោះម្ចាស់រថយន្តបង្ករឈ្មោះ ហូ ហួត ភេទប្រុស អាយុ២៣ឆ្នាំ នៅភូមិពោធិស្ទាំង ឃុំសណ្តែក ស្រុកបាធាយ ខេត្តកំពង់ចាម សង្ស័យជាអ្នកបើកបរផ្ទាល់ ត្រូវបាននាំខ្លួនទៅសាកសួរបំភ្លឺនៅអធិការដ្ឋាននគរបាលស្រុកស្ទោង៕
