ល្បែងភ្នាល់ទឹកភ្លៀង.នឹង.បៀ.អាប៉ោង.ដែលគេស្គាល់ឈ្មោះថាជារបស់លោក( អួន តាល់) មេល្បែងដុះស្លែ នៅទឹកដីខេត្តបាត់ដំបង ពុងបើកលេងយ៉ាងរលូនមិនរំខានដល់សមត្ថកិច្ច
ខេត្តបាត់ដំបង៖ ថ្មីៗនេះមានសេចក្តីរាយការណ៍មកថាមានទីតាំងល្បែងសុីសងភ្នាល់ទឹកភ្លៀង នឹង បៀ អាប៉ោង មួយកន្លែងដែលគេស្គាល់ឈ្មោះថាជារបស់ អួន តាល់ ជាម្ចាស់ល្បែងសុីសងយូណាស់មកហើយ សព្វថ្ងៃគេសង្កេតឃើញថាទីតាំងល្បែងមួយកន្លែងនេះ មានមនុស្សចូលលេងយ៉ាងច្រើនកុះករ ទីតាំងបនល្បែងខាងលើ ស្ថិតនៅចំណុចវាលស្រែ១០០ ភូមិសំរោងពីរ សង្កាត់ អូរចារ ក្រុងបាត់ដំបង ខេត្តបាត់ដំបង ។
ប្រភពពីពលរដ្ឋដែលរស់នៅក្បែងទីតាំងបនល្បែងខាងលើបានប្រាប់សារព័ត៌មានគេហទំព័រ រស្មី ជាយដែន យើងឲ្យដឹងថា៖ ពួកគាត់ឃើញមានក្រុមអ្នកញៀនល្បែង ជាច្រើនរាប់រយនាក់បាននាំគ្នាចេញចូលលេងល្បែងដោយសេរី មិនដែលឃើញអាជ្ញាធរមានសមត្ថកិច្ចចុះមកបង្រ្កាបទីតាំងល្បែងខាងលើម្ដងណាឡើយ ពួកគាត់បានបន្តទៀតថា ម្ចាស់បើកល្បែងសុីសងខាងលើ គឺ មានអ្នកជួយមើលការខុសត្រូវ និង ជួយចាំដោះស្រាយបាយទឹក ជាមួយសមត្ថកិច្ចផងដែរ តែគេមិនបានបញ្ជាក់ប្រាប់ថាមានឈ្មោះអ្វីនោះទេ គ្រាន់តែដឹងថាមានហាសនាម( ត្នោតជ្រុំ )ទើបគេអាចបើកលេងបានដោយរលូនយ៉ាងដូច្នេះ។
ប្រភពដដែលបានធ្វើការរិះគន់ទៅលើលោកឧត្តមសេនីយ៍ទោ អ៊ុច សុខុន ស្នងការ នៃ ស្នងការដ្ឋាននគបាល ខេត្តបាត់ដំបងថា គេមិនដែលបានឃើញលោកស្នងការរូបនេះចេញបទបញ្ជាឲ្យកូនចៅក្រោមឱវាទចុះទៅស៊ើបអង្កេត ឬ បង្ក្រាប ល្បែង បៀរ អាប៉ោង នឹង ល្បែងភ្នាល់ទឹកភ្លៀងដុះស្លែមួយនេះទល់តែសោះទើបគេដាក់ការសង្ស័យថាប្រហែលជាអាចត្រូវដងត្រូវផ្លែជាមួយម្ចាស់បនល្បែងខាងលើហើយមើលទៅបានជាមិនបង្ក្រាប។
តើឯណាទៅដែលហៅថាភូមិឃុំមានសុវត្ថិភាពទាំង ៩ ចំណុច របស់រាជរដ្ឋាភិបាលកម្ពុជា តើបាត់ទៅណាអស់ហើយបានជារាល់ថ្ងៃគេនៅតែឃើញមានល្បែងស៊ីសងកើតឡើងបែបនេះ។ ដោយសាតែមានល្បែងសុីសងនេះហើយទើបកើតមាន អំពើផ្សេងៗជាច្រើន ដូចជាចោរកម្ម លួចនឆក់ ប្លន់ អំពើហិង្សាក្នុងគ្រួសារ ជាដើម។ ពាក់ព័ន្ធបញ្ហាខាងលើអង្គភាពគេហទំព័រ រស្មី ជាយដែន យើងនៅរសៀលថ្ងៃទី ១៥ ខែមិថុនា ឆ្នាំ ២០២០ បានខលទៅលោកឧត្តមសេនីយ៍ទោ អ៊ុច សុខុន ស្នងការ នៃ ស្នងការដ្ឋាននគរបាល ខេត្តបាត់ដំបង ដើម្បីធ្វើបទសម្ភាសន៍លោកបានប្រាប់តាមទូរស័ព្ទថា៖ ខលទៅលោកឧត្តមសេនីយ៍ត្រី ជេត វណ្ណនី តែដោយឡែកអង្គភាពយើងក៏បានខលទៅលោក ជេត វណ្ណនី តែលោកនិយាយមិនទាន់បានប៉ុន្មាននាទីផងក៏ចុចបិតទូរស័ព្ឌទៅ។
