នគរបាលស្រុកស្អាង ចាប់ឃាត់ខ្លួន ជនសង្ស័យ១នាក់ ពាក់ពន្ធ័ទៅនឹងបទល្មើស ជួញដូរដោយខុសច្បាប់ នូវសារធាតុញៀន
ខេត្តកណ្តាល៖ស្ត្រីវ័យ៣៥ឆ្នាំម្នាក់ ត្រូវបានកម្លាំងនគរបាលស្រុកស្អាងចាប់ឃាត់ខ្លួន កាលពីវេលាម៉ោង១៤ ថ្ងៃអាទិត្យ ០៩រោច ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៤ ខែមិថុនា ឆ្នាំ២០២០ នៅចំណុចស្ថានីយ៍ក្បាលអូរ ស្ថិតក្នុងភូមិសំរោង ឃុំក្រាំងយ៉ូវ ស្រុកស្អាង ខេត្តកណ្តាល ពាក់ពន្ធ័បទល្មើសជួញដូរដោយខុសច្បាប់ នូវសារធាតុញៀន (ម៉ាទឹកកក)។
បើតាមសមត្ថកិច្ចបានឲ្យដឹងថា ជនសង្ស័យដែលត្រូវសមត្ថកិច្ច ចាប់ឃាត់ខ្លួនមានឈ្មោះ សៀក រស្មី ភេទស្រី អាយុ២៥ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិពីងពង់ ឃុំក្រាំងយ៉ូវ ស្រុកស្អាង ខេត្តកណ្តាល ។
វត្ថុតាងដែលដកហូតបានរួមមាន៖
១-ម្សៅក្រាមពណ៌សថ្លា សង្ស័យថាជាសារធាតុញៀន (ម៉ាទឹកកក) ចំនួន០៦កញ្ចប់ ក្នុងនោះធំ០២កញ្ចប់,តូច០៤កញ្ចប់ និងសំភារៈវេចខ្ចប់ប្រើប្រាស់គ្រឿងញៀនមួយចំនួន។
២-ទូរស័ព្ទចំនួន០១គ្រឿង ម៉ាក អ៊ិនចុចពិល ពណ៌ ខៀវ ប្រើស៊ីមលេខ០៧០៧២៣៤៥៤ ។
៣-កាបូបស្ពាយ ពណ៌ឈាមជ្រូក ចំនួន០១។
បច្ចុប្បន្នជនសង្ស័យ បានឃាត់ខ្លួននៅអធិការដ្ឋាននគរបាលស្រុកស្អាង ដើម្បីបន្ដអនុវត្ដតាមនីតិវិធី៕
