សមត្ថកិច្ចឃាត់ខ្លួន ជនសង្ស័យម្នាក់ ពាក់ពន្ធ័ករណីរក្សាទុក ដោយខុសច្បាប់ នូវសារធាតុញៀន
ខេត្តបាត់ដំបង៖ដោយអនុវត្តតាមការណែនាំរបស់លោកឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគបាលខេត្តបាត់ដំបង កម្លាំងនគរបាលនៃអធិការដ្ឋាននគរបាលស្រុកថ្មគោល បានចុះប្រតិបត្តិការ បង្រ្កាបមុខសញ្ញារក្សាទុកដោយខុសច្បាប់នូវសារធាតុញៀន០១ករណី ក្នុងបទល្មើសជាក់ស្តែង កាលពីវេលាម៉ោង២និង៣០នាទីរសៀលថ្ងៃទី៤ ខែឧសភា ឆ្នាំ២០២០នៅចំណុចព្រៃទួល ស្ថិតនៅក្នុងភូមិពពាលខែ ឃុំអូរតាគី ស្រុកថ្មគោល ខេត្តបាត់ដំបង។
ក្នុងកិច្ចប្រតិបត្តិការនេះកម្លាំងសមត្ថកិច្ចបានឃាត់ខ្លួនជនសង្ស័យបានចំនួន០១នាក់ឈ្មោះ សុង គឹមសឿត ភេទប្រុស អាយុ៣០ឆ្នាំ រស់នៅភូមិពពាលខែ ឃុំអូរតាគី ស្រុកថ្មគោល ខេត្តបាត់ដំបង។
វត្ថុតាងដកហូតបានរួមមាន៖
១-ម្សៅក្រាមពណ៌សថ្លាច្រកក្នុងថង់ប្លាស្ទិក ចំនួន១៦ថង់តូចសង្ស័យជាសារធាតុញៀនប្រភេទមេតំហ្វេតាមីន ម៉ាទឹកកក ICE
២-កាំភ្លើងខ្យល់ចំនួន០៤ដើម
៣-ជញ្ជីងសម្រាប់ថ្លឹងគ្រឿងញៀនចំនួន០១
៤-កាំបិតសាមុរ៉ៃចំនួន០១
៥-ដបសំរាប់ជក់គ្រឿងញៀន ចំនួន០១និងដែកកេះចំនួន០១
៦-ទុយយោជ័រចំនួន០២ដុំ
៧-ថង់កិបសម្រាប់ច្រករំលែកថ្នាំញៀន មួយចំនួន។
ក្រោយពីឃាត់ខ្លួន ជនសង័្សយរួមនិងវត្ថុតាង ត្រូវបានបញ្ជូនទៅកាន់ការិយាល័យជំនាញដើម្បីចាត់ការបន្តតាមនិតិវិធីច្បាប់៕
![]()
![]()
![]()