នគរបាលស្រុកបាណន់ ចាប់ឃាត់ខ្លួនបុរស១នាក់ ពាក់ពន្ធ័ករណីរក្សាទុក ជួញដូរគ្រឿងញៀនខុសច្បាប់
ខេត្តបាត់ដំបង៖ដោយអនុវត្តតាមមតិណែនាំរបស់លោកឧត្តមសេនីយ៍ទោ អ៊ុច សុខុន ស្នងការ នៃស្នងការដ្ឋាននគរបាលខេត្តបាត់ដំបង និងតាមមតិណែនាំជំនាញរបស់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿង កាលពីវេលាម៉ោង១៤និង៤០នាទីថ្ងៃពុធ ៦កើត ខែជេស្ឋ ឆ្នាំជូត ទោស័កព.ស.២៥៦៤ត្រូវនឹង ថ្ងៃទី២៧ ខែឧសភា ឆ្នាំ២០២០ លោកវរសេនីយ៍ឯក ប៉ាន់ វណ្ណនី អធិការនគរបាលស្រុកបាណន់ ដឹកនាំកម្លាំងផ្នែកជំនាញគ្រឿងញៀន រួមជាមួយកម្លាំងប៉ុស្តិ៍នគរបាលរដ្ឋបាលឈើទាល ចុះប្រតិបត្តិការបង្រ្កាបមុខសញ្ញារក្សាទុក ដឹកជញ្ជូនឬជួញដូរដោយខុសច្បាប់ នូវសារធាតុញៀន០១ករណីក្នុងបទល្មើសជាក់ស្តែង នៅចំណុចក្រុមទី០៣ ភូមិឈើទាល ឃុំឈើទាល ស្រុកបាណន់ ខេត្តបាត់ដំបង។
ជនសង្ស័យដែលត្រូវបានកម្លាំងសមត្ថកិច្ចចាប់ឃាត់ខ្លួនមានឈ្មោះ ផាត ភា ភេទប្រុស អាយុ៣០ឆ្នាំ រស់នៅភូមិឈើទាល ឃុំឈើទាល ស្រុកបាណន់ ខេត្តបាត់ដំបង។
វត្ថុតាងដែលដកហូតបានរួមមាន៖ថ្នាំញៀនប្រភេទមេតំហ្វេតាមីន ម៉ាទឹកកកICEចំនួន០៧កូនថង់ទម្ងន់៩,៨៦ក្រាម-ទូរស័ព្ទដៃចំនួន០២គ្រឿង។
បច្ចុប្បន្នជនសង្ស័យរួមនិងវត្ថុតាងត្រូវបាននគរបាលស្រុក បញ្ជូនទៅកាន់ការិយាល័យជំនាញ ដើម្បីចាត់ការតាមនិតិវិធីច្បាប់៕
