ពីនាក់ប្តីប្រពន្ធជួញដូរគ្រឿងញៀន ត្រូវសមត្ថកិច្ចចាប់ឃាត់ខ្លួន
រាជធានីភ្នំពេញ៖ជនសង្ស័យពីរនាក់ប្តីប្រពន្ធ ត្រូវបានកម្លាំសមត្ថកិច្ចចាប់ឃាត់ខ្លួន កាលពីម៉ោងជាង៤រសៀល ថ្ងៃទី១៨ ខែឧសភា ឆ្នំា២០២០ ខណ:ដែលកំពុងធ្វើសកម្មភាពជួញដូរគ្រឿងញៀនខុសច្បាប់ នៅចំណុចផ្លូវគីម អ៊ីលសុង ក្បែរអង់តែនទួលគោក សង្កាត់បឹងកក់១ ខណ្ឌទួលគោក រាជធានីភ្នំពេញ។
សមត្ថកិច្ចបានឲ្យដឹងថា ជនសង្ស័យមានឈ្មោះ សុខ ធឿន ភេទប្រុស អាយុ៣៥ឆ្នាំ និងឈ្មោះ គង់ ចិន្តា ភេទស្រី អាយុ៣០ឆ្នាំ ពួកគេគ្មានមុខរបរពិតប្រាកដ។
សមត្ថកិច្ចបញ្ជាក់ថា ក្នុងកិច្ចប្រត្តិបត្តិកាណ៍បង្ក្រាបជនសង្ស័យ ពីនាក់ប្តីប្រពន្ធនេះកម្លាំងនគរបាលការិយាល័យជំនាញ បានធ្វើការស្រាវជ្រាវស៊ើបអង្កេត តាមរយៈការផ្តល់ព័ត៌មានពីប្រជាពលរដ្ឋ ទើបសមត្ថកិច្ចឈានទៅដល់បង្ក្រាបបានជាក់ស្តែង ដោយដកហូតបាននូវវត្ថុតាងគ្រឿងញៀនកន្លះគីឡូក្រាម។
ក្រោយពីបង្ក្រាបជនសង្ស័យរួមនិងវត្ថុតាងគ្រឿងញៀន ត្រូវបាននគរបាលការិយាល័យជំនាញកសាងសំណុំរឿង បញ្ជូនទៅតុលាការដើម្បីចាត់ការតាមនិតិវិធីបន្ត៕
